漁獲浜燒 (Closed)

Best fd 生日指定要食燒海鮮，之前見到好似有唔少明星食過，咁應該係信心保證。呢個有個好處係有人幫你燒，😂服待周到冇得彈。細芝麻鹽醬椰菜作開胃菜，幾refreshing🤓刺身五盛 精選嘅五款刺身都非常鮮味，我特別鍾意油甘魚，油脂豐腴 。牡丹蝦彈牙，蝦頭嘅膏好甘甜。龍蝦活貝濱燒盛合 組合非常豐富，有鮑魚、蟹腳、蠔、帆立貝。扇貝分別用左兩種方法燒，一係清酒，另一係牛油，猶如紅玫瑰跟白玫瑰。清酒會令扇貝原本的甜味，牛油較香較惹味。鮑魚充滿彈性，有淡淡海水味，唔駛調味已經好好食。蠔 本身不太喜歡燒蠔，但呢個又幾甜冇怪味喎。長腳蟹 已經人手幫你剪開，所以好易拆肉。伊勢海老龍蝦一黎已經好大隻好霸氣，肉質彈牙，餐廳用左比較濃味嘅味噌調味，燒的時候傳出濃郁的香氣。味噌蟹甲羅燒 同出面不同，燒好後加上麵包糠，蟹膏除左creamy 外，仲有脆脆的口感，香而不膩。