Pho 778 (Closed)

家中o既煮食爐仍未修理好，遇上工作忙碌，午飯時間唯有買外賣。上週發現橫巷有間越南餐廳「PHO 778」新登場，尋日就立即去幫襯。小店裝潢簡約，只有木造o既枱櫈配上白色同綠色o既牆身，估計入內有二十多個座位左右。玻璃窗上貼出「試業」便條，似乎店主仍在摸索客路及街坊o既飲食習慣。門外展出大型o既午市餐牌，方便食客候座或外賣時揀選食品。小肥點咗碗「生牛肉湯河粉」。收銀姐姐友善好客，落單後五分鐘內有得攞，服務態度良好兼效率高。承載湯河個膠碗呈六角形，唔知係咪有高人指點過呢？！上面印出「開飯了」，不禁令細佬諗起OpenRice。打開個盒黎睇，發現膠碗內有乾坤，餸菜河粉都放於上格，而熱湯就分開載於下格，感覺衛生得很。由於底層o既湯真係好夠熱辣辣，牛肉一放落去好快就熟，起碼快過XO仔影相先。生牛肉湯河粉（$42）：河粉尚算柔滑，牛肉都好軟腍，湯底則帶有一陣藥材味，雖然未必人人啱，不過個人可以接收。灣仔食肆主要靠做午市為主，區內更不乏提供飯麵湯粉o既餐店，平價o既有十幾蚊一碗，不過貴至百幾二百蚊一碗o既都有。「PHO 778」o既出品只屬平庸之作，價格雖唔算貴卻又一啲都唔平，小店要企得住腳真係要落多少