黑木 (Closed)

先上一個前菜，有三文魚嘴，酸酸地好開胃，食落好爽口，呢外汁煮芋頭同汁煮花螺味道差唔多，咸中帶甜，係不錯既前菜。到串燒，首先有牛舌，真係好正好高質😭 第一樣上牛舌真係好適當！牛舌煎到表面好香微焦，入面仲好juicy!! 好冧好重味，絕對可以encore既串燒之後有燒白鱔，外脆內軟，好鮮甜，食完會想再食。雞肉棒，會跟埋一隻温泉蛋，好正～ 雞肉棒入面有軟骨，食落好有口感。之後串燒仲有燒白葱，燒紫薯，燒秋葵，燒雞尾，都好夠火候，醬汁同味道都好岀色。之後小食仲有譏煮鮑魚，沖繩豚手。個人覺得鮑魚做得好鮮甜好彈牙，而且都好入味～最後一樣係燒飯團，雖然飯團冇咩味道，但外脆內軟既口感值得一讚。