Video
Read full review
2017-03-21
931 views
今日由於交通嘅差錯，走咗入去黃大仙中心度食早餐，搵咗兩層樓，見到呢間唯一有開嘅餐廳，即刻狗衝入去。呢間餐廳嘅早餐種類勁豐富，除咗基本嘅公仔麵牛扒雞扒魚柳三文治多士奄列麥皮之外，仲有埋粥同煎腸粉，好少茶仔會搞咁大龍鳳架。嗌咗個晨早流流相信喺茶仔都好難搵得到嘅早餐。煙三文魚炒蛋茄汁焗豆配蒜蓉多士，喺茶仔嘅早餐入面有煙三文魚我都係第一次見，雖然呢間係一間高級啲嘅茶仔，但係都係值得一讚嘅。煙三文魚比起食開嗰啲無咁鹹，三塊啱啱好餸哂個炒蛋，炒蛋亦都算炒得滑溜。不過當我想食塊多士嗰陣，嚇然發現有一群師父聚集咗喺包邊，邊有師傅用師父用得咁張揚㗎，真係要對住塊包邊嗌聲師公啊。不過又奇怪呢咋師公原本嘅定位係喺邊度嘅呢？係咪諗住嬸落啲炒蛋度嘅呢？
今日由於交通嘅差錯，走咗入去黃大仙中心度食早餐，搵咗兩層樓，見到呢間唯一有開嘅餐廳，即刻狗衝入去。
呢間餐廳嘅早餐種類勁豐富，除咗基本嘅公仔麵牛扒雞扒魚柳三文治多士奄列麥皮之外，仲有埋粥同煎腸粉，好少茶仔會搞咁大龍鳳架。嗌咗個晨早流流相信喺茶仔都好難搵得到嘅早餐。
煙三文魚炒蛋茄汁焗豆配蒜蓉多士，喺茶仔嘅早餐入面有煙三文魚我都係第一次見，雖然呢間係一間高級啲嘅茶仔，但係都係值得一讚嘅。煙三文魚比起食開嗰啲無咁鹹，三塊啱啱好餸哂個炒蛋，炒蛋亦都算炒得滑溜。
不過當我想食塊多士嗰陣，嚇然發現有一群師父聚集咗喺包邊，邊有師傅用師父用得咁張揚㗎，真係要對住塊包邊嗌聲師公啊。不過又奇怪呢咋師公原本嘅定位係喺邊度嘅呢？係咪諗住嬸落啲炒蛋度嘅呢？
Post
