相馬日式火鍋 觀塘

Open Now

Now Closed

之前IG見到佢個龍蝦雞煲就同男朋友同佢屋企人一齊嚟食，點知去到見到環境勁噏耷，但可能因為係分店，所以環境差啲所以就照食。首先佢會比碗茶碗蒸，就普通正常嘢，然後就食龍蝦雞煲，啲龍蝦就又鞋又霉，仲要全部都係蟹鉗😅食完個雞煲就嚟咗個海鮮盤，要蒸10分鐘先食得。蒸嗰陣佢有俾碗花膠雞湯，勁大浸味精味。個海鮮盤蒸緊嗰陣係咁滾瀉，搞到成枱都係湯。跟住蒸完啲海鮮，啲龍蝦好鞋，佢啲蝦睇落唔新鮮，成隻白白地個頭又有啲黑黑地。到最尾終於可以打邊爐，打邊爐個落單網站全部冇圖睇。環境方面間店有少少寒酸，得一個嘢飲雪櫃，嘢飲種類好少 有少少蚊滋仔服務方面店員有少少Hea 本身話拎張新嘅墊枱紙俾我哋 轉個頭唔記得咗 仲企埋一邊傾偈😅呢間店唯一嘅好處就係有milk top嘅雪糕有走綠茶牛奶芝麻味