匠山

Open Now

Now Closed

馬鞍山成日都俾人話係美食沙漠，但係其實都有啲用心做嘅小店。早排去咗呢間日本菜，有少少居酒屋感覺但又好似喺屋企咁。最重要係呢度唔使+1服務費！生日都特別豁免切餅費～汁煮凍鮑魚 呢個係熟鮑魚凍食，用咗日式醬汁醃製，食落有少少酒香，切片上，好好味。睇個樣應該有三隻鮑魚，呢個幾抵食！軟殼蟹米紙卷呢個好有驚喜，外面係越南米紙，入面係包青瓜絲，我本身唔食青瓜都覺得好好食，感覺好清爽，加埋軟殼蟹同卜卜脆嘅飛魚籽，口感一流。匠山特上刺身飯刺身份量好多，有三文魚、油甘魚、吞拿魚、帆立貝、仲有隻甜蝦，食得出好新鮮，全部都大大片，一啲都唔孤寒。左口魚裙邊火炙壽司左口魚勁多油，火燒完之後滲晒落啲飯度，正帆立貝火炙壽司帆立貝真係好大粒，對半切都勁厚！鵝肝壽司呢件係貪得意叫嘅，但一啲都唔差，鵝肝煎得好脆，食落去又香爆出嚟，加埋醬汁好好食。仲叫咗兩全雞肉串燒同埋炸魷魚鬚，呢度啲食物質素全部都有保證，冇一樣伏，呢間有Sake 及 生啤飲，嚟開馬鞍山又想飲兩杯真係可以試吓！