西樹泡芙 (屯門站)

Open Now

Now Closed

食完嘢行到屯門西鐵站搭車返屋企，點知聞到好香嘅烘焙味，原來係隔離嘅西樹泡芙啱啱出爐，成個車站都充斥住泡芙香味🤤即刻去望下先，睇下有咩新出爐❤️多咗啲新年限定㗎喎，其中有款賀正嘅黃金滿屋，仲有個迷你泡芙大金桶，太香喇😍一人買一個食下先。咁香又點忍到口，近近哋行去屯門公園解决佢🤤⭐黃金滿屋朋友揀咗新年限定版嘅黃金滿屋，內餡係流心奶黃肉鬆，鹹鹹甜甜仲好流心，泡芙外脆內軟好正🤤⭐榛子tiramisu另外一個就揀咗榛子味，泡芙係朱古力味，忌廉係榛子味，而麵包條吸咗咖啡香，甜中大苦，雖然大大pat cream但一啲都唔膩😍⭐濃朱古力布丁自己就揀咗朱古力口味，上層有朱古力cream同朱古力布甸，泡芙都係朱古力味，而泡芙嘅中央仲有朱古力cream，果然係好濃朱古力味，布甸同忌廉都軟綿綿，又香又甜好正喎🤤30蚊個泡芙確實係小貴，但食完真係充滿幸福感，好滿足喲，間中獎勵下自己都無妨吖。