Video
Read full review
2021-12-24
141 views
一家四口而家出街食飯，要諗定餐廳有無high chair提供、食物係咪適合兩個小朋友、餐廳歡唔歡迎小朋友…😅食個飯都幾多問題嫁，最近我哋就食咗一個好滿足嘅晚餐，就係#荃灣 #牛陣 火鍋🍲啦😋以前好怕帶小朋友去打邊爐，因為湯底又要就佢哋，佢哋又坐唔到咁耐，今次就唔同啦，呢度一人一鍋，小朋友可以清湯，大人可以揀自己鍾意嘅湯底，最重要係甜品區勁豐富囉🤩🤩🤩先講火鍋重點，我哋今次揀咗澳洲特上長期穀飼牛+沖繩豚 放題套餐，而家做緊推廣，所以可以 #任飲Asahi 同 #無限海鮮放題 大滿足（蟹籽蝦滑、黃金螺、仿皇帝蟹棒、魷魚仔八爪魚仔），豐富到淨係狂Encore呢d新鮮食材已經夠😂穀飼牛同沖繩豚切得夠晒薄身，灼一灼就熟，唔會煲到老晒，肉汁香濃，我哋淨係牛都食咗4-5碟😆海鮮方面，蟹籽蝦滑好好味，好爽口，諾諾都話勁正⭐️出面自取區有丸丸、炸物、飲品、棉花糖機、朱古力火鍋、Hagen-Dazs 雪糕櫃 ，要讚飲品有兩款自家凍泡茶，唔洗一直飲甜嘢咁唔健康👍🏻炸薯條🍟同炸雞🍗都炸得唔錯；棉花糖機同朱古力火鍋簡直係細路天堂，豐富到好似酒店自助餐咁😆Hagen-Dazs雪糕有四款口味，打完邊爐嘆雪糕，真係大
以前好怕帶小朋友去打邊爐，因為湯底又要就佢哋，佢哋又坐唔到咁耐，今次就唔同啦，呢度一人一鍋，小朋友可以清湯，大人可以揀自己鍾意嘅湯底，最重要係甜品區勁豐富囉🤩🤩🤩
先講火鍋重點，我哋今次揀咗澳洲特上長期穀飼牛+沖繩豚 放題套餐，而家做緊推廣，所以可以 #任飲Asahi 同 #無限海鮮放題 大滿足（蟹籽蝦滑、黃金螺、仿皇帝蟹棒、魷魚仔八爪魚仔），豐富到淨係狂Encore呢d新鮮食材已經夠😂
穀飼牛同沖繩豚切得夠晒薄身，灼一灼就熟，唔會煲到老晒，肉汁香濃，我哋淨係牛都食咗4-5碟😆
海鮮方面，蟹籽蝦滑好好味，好爽口，諾諾都話勁正⭐️
出面自取區有丸丸、炸物、飲品、棉花糖機、朱古力火鍋、Hagen-Dazs 雪糕櫃 ，要讚飲品有兩款自家凍泡茶，唔洗一直飲甜嘢咁唔健康👍🏻炸薯條🍟同炸雞🍗都炸得唔錯；棉花糖機同朱古力火鍋簡直係細路天堂，豐富到好似酒店自助餐咁😆
Hagen-Dazs雪糕有四款口味，打完邊爐嘆雪糕，真係大滿足啊，食完侍應重會比個硬幣🪙小朋友，係用嚟扭門口個彈彈球機嫁👏🏻牛陣真係好識氹小朋友💓諾諾話以後打邊爐都要過嚟🤣
Post
