松記糖水店 (Closed)

松記糖水既味道唔係話好好，但勝在選擇多，西式，中式同台灣糖水都有得揀。難得同外國交流生一齊去美荷樓住一晚，所以夜晚就帶佢地係附近搵野食。出黎既時候已經九點幾十點，好多鋪頭都關門了，唯有去食糖水啦。我地個個都叫左唔同既野食，我叫左個紫薯芋圓仙草加芒果。芋圓講真質素就一般，唔夠煙韌，紫薯泥食落都唔夠香甜軟滑。仙草就係普通既仙草，整體黎講不過不失啦。唔係特別好味，但都唔差。夏天熱熱地食一碗仙草凍都幾爽既。