Video
Read full review
2017-09-14
25 views
有留意我嘅文章嘅朋友都應該知道，我係一個好大使嘅人但係我嘅父母超級節約，我喜歡想做就做要吃就吃，係我嘅父母就完全同我地不同，好想食都唔捨得。我媽媽最鍾意係日本，到而家佢都唔捨得去，一時又話機票太貴一時又話住宿唔抵，所以始終都係屋企，今日晚餐有時間就約咗佢食日本野，未有錢帶佢去旅行，都至少仲比得起一餐飯錢。依家位於金鐘嘅日本餐近期都幾熱，晚市會比午市少人，晚市推出的定食價位十分之好。尋日同媽咪講我去左東京一間我諗應該係五大的鰻魚飯店，媽咪聽到津津有味。。。所以我今日幫佢點了鰻魚飯。再次講起鰻魚飯又想起一啲趣事，說佢好鍾意食鰻魚，不過日本鰻魚實在太貴，所以佢呢排成日買鱔，食到我老爸叫驚。今次我點左個極上懷石料理，真心講我都未試過食過，一大堆頭嘅食物價格優惠兩個人原價千二左右，特價係688。而家做緊六周年優惠仲有多個八八折，先來嘅前菜呢簡簡單單係一個凍豆腐同埋一個雞蛋，接着呢就係十分之靚嘅三色刺身，我好耐冇喺香港食吞拿魚刺身，最主要嘅原因就係啲質素其實麻麻，但係呢一度嘅三文魚刺身質感好好而且新鮮。配上厚切嘅油甘魚以及超級大隻美味嘅大蝦。每人五件嘅份量剛好。呢個柚子沙律普普通通。所以唔記得影相
我媽媽最鍾意係日本，到而家佢都唔捨得去，一時又話機票太貴一時又話住宿唔抵，所以始終都係屋企，今日晚餐有時間就約咗佢食日本野，未有錢帶佢去旅行，都至少仲比得起一餐飯錢。
依家位於金鐘嘅日本餐近期都幾熱，晚市會比午市少人，晚市推出的定食價位十分之好。
尋日同媽咪講我去左東京一間我諗應該係五大的鰻魚飯店，媽咪聽到津津有味。。。所以我今日幫佢點了鰻魚飯。
再次講起鰻魚飯又想起一啲趣事，說佢好鍾意食鰻魚，不過日本鰻魚實在太貴，所以佢呢排成日買鱔，食到我老爸叫驚。
今次我點左個極上懷石料理，真心講我都未試過食過，一大堆頭嘅食物價格優惠兩個人原價千二左右，特價係688。而家做緊六周年優惠仲有多個八八折，先來嘅前菜呢簡簡單單
係一個凍豆腐同埋一個雞蛋，
接着呢就係十分之靚嘅三色刺身，我好耐冇喺香港食吞拿魚刺身，最主要嘅原因就係啲質素其實麻麻，但係呢一度嘅三文魚刺身質感好好而且新鮮。配上厚切嘅油甘魚以及超級大隻美味嘅大蝦。每人五件嘅份量剛好。呢個柚子沙律普普通通。所以唔記得影相
黃金燒廣島蠔用上好大隻的蠔，配上沙拉汁去燒，蠔質爽甜，好juicy ，仲要即叫即整，喜歡食蠔嘅人千祈唔好錯過
香煎珍寶帆立貝另外一個出色之作，完全冇縮水，現保持肥美質感，裏邊剛好熟，嫩嫩口感，最欣賞嘅地方就係用咗薯蓉圍邊令到帆立貝嘅汁一滴都唔會浪費。鮮甜美味。
一人一客嘅天婦羅10分豐富有冬菇南瓜茄子以及兩隻美味嘅大蝦，我自己覺得就份量有啲多，油份唔多，呢個係考廚師嘅功夫，尤其喜歡南瓜很清甜。當我已經準備投降嘅時候。。。新一輪嘅攻勢又來啦。
鰻魚醬汁不多不少，味道一絕，份量多夠，温度剛好。原條上，滿足了媽媽喜歡食鰻魚嘅渴望
我一個我喜歡嘅就係呢個大蜆茶壺湯，真材實料用上新鮮嘅蜆同海帶煮的清湯，切記一定要加檸檬汁效果異常的好。碗湯雖然簡單但係令人印象深刻。
至於呢個海膽三文魚子飯絕不欺場，用上份量很多嘅新鮮海膽，入口甘甜，以及新鮮飽滿嘅三文魚子，入口爆發的感覺，飯量唔多。呢個三文魚子海膽飯已經好過好多某某日本餐廳嘅招牌丼。呢個飯就滿足左我想食海膽同三文魚子呢兩個最愛嘅心。
最後配上一個美味香滑嘅豆腐雪糕。食完飯大概八點鐘然後呢一個晚飯我飽到12點幾，返嚟睇返啲相我都覺得點解我可以食到咁多野。然而咁多樣優質嘅食物講緊每個人都只係需要＄300。呢一度嘅優勢係晚市人比較少容易入坐。大家嚟到金鐘附近食嘢不妨可以考慮。
題外話我見到隔離枱食緊個松業蟹海鮮鍋都真係好正，蟹好大隻，應該好抵食。最開心嘅就係我媽媽，見到咁靚嘅美食佢都忍唔住相機食先。
Post
