好媽媽台灣館 (Closed)

自從結婚搬左出去，間中阿媽都會打黎叫返屋企食飯，但其實有時覺得阿媽都煮左幾十年飯，唔想佢咁辛苦，不如同佢地出去食仲好，唔駛煮又唔駛洗。今日帶阿爸阿媽食台灣野，阿媽仲話佢好鍾意飲珍珠奶茶，所以台灣野佢地ok喎。位於太子荔枝角道嘅好媽媽台灣館，門口勁多人。隔離金鳳餐廳已經出名多人，點知而家呢邊仲犀利。等左一陣終於有位啦，餐牌有好多選擇，小食系列由$18起，價錢都幾抵喎。除左充滿台式風味嘅小食，仲有8大必食推介，價錢又唔貴，真係睇見都想叫晒佢呀。睇睇下餐牌，見到呢版寫出店主創辦「好媽媽台灣館」嘅原因，覺得相當感人，亦真心佩服店主嘅勇氣同毅力。先黎胚芽珍珠及葡萄愛玉冰珍珠夠晒彈牙，加上有營養價值高嘅胚芽，好味又健康。拼盤有滷豆腐、滷大腸、滷雞翼同滷牛展。個滷水做得夠入味，幾個人最好叫滷水拼盤，樣樣都可以試下。呢個原盎燉嘅蔭瓜鳳梨苦瓜雞湯，苦苦地甘甘地仲有雞件、蔭瓜同蜆。絕對足料又無味精，連煲慣湯嘅阿媽都大讚好味，埋單前仲忍唔住再叫多一客黎飲。一定要推介比大家，實在太好飲啦。注意--只要點餐牌某幾種食物，加入28就可配呢個燉湯，認真超值。相比起燉湯，呢個紫菜豆腐蚵仔湯又有另一番味道。大大隻蠔仔，