Video
Read full review
2022-07-04
1062 views
入座起計90分鐘，每人至少消費$120我當日係去食下午茶，見到雪菲蛋糕好想試，但三層架下午茶唔俾揀雪菲蛋糕，所以決定散叫。望望餐牌，蛋糕平均$52，嘢飲平均$50-$55，每人食一件cake一杯嘢都唔夠minimum charge喎..好啦唔緊要，叫個迷你撻set $138+蛋糕+嘢飲咪夠囉，sorry今日迷你撻唔賣，想食就叫三層架下午茶$398啦，裡面有迷你撻。如果想食雪菲蛋糕呢？咁就要兩個人叫3件蛋糕+2杯嘢飲喇，如果你一個人重慘，要叫兩個蛋糕先儲夠數。全程玩數字遊戲，不斷攞個計數機出計點先又可以食雪菲蛋糕，又可以過佢個minimum charge，最尾一怒之下，算啦放棄雪菲蛋糕，食三層架唔好煩。等待下午茶期間，見到加入會員可以送6件迷你撻，有效期一個月，心想一個月內未必會再嚟，不如今日換埋佢，sorry今日唔送，想食迷你撻可以叫三層架下午茶。店員服務態度，不行。輪到講食物質素，咖啡，有咖啡渣喺底，杯house coffee係淡的，加奶會開心少少，但都唔係好飲。Strawberry Lychee Green Tea，本身都冇乜期待有咩特別，事實都係，不過不失啦。三層架下午茶，啲迷你
我當日係去食下午茶，見到雪菲蛋糕好想試，但三層架下午茶唔俾揀雪菲蛋糕，所以決定散叫。望望餐牌，蛋糕平均$52，嘢飲平均$50-$55，每人食一件cake一杯嘢都唔夠minimum charge喎..好啦唔緊要，叫個迷你撻set $138+蛋糕+嘢飲咪夠囉，sorry今日迷你撻唔賣，想食就叫三層架下午茶$398啦，裡面有迷你撻。如果想食雪菲蛋糕呢？咁就要兩個人叫3件蛋糕+2杯嘢飲喇，如果你一個人重慘，要叫兩個蛋糕先儲夠數。全程玩數字遊戲，不斷攞個計數機出計點先又可以食雪菲蛋糕，又可以過佢個minimum charge，最尾一怒之下，算啦放棄雪菲蛋糕，食三層架唔好煩。
等待下午茶期間，見到加入會員可以送6件迷你撻，有效期一個月，心想一個月內未必會再嚟，不如今日換埋佢，sorry今日唔送，想食迷你撻可以叫三層架下午茶。店員服務態度，不行。
輪到講食物質素，咖啡，有咖啡渣喺底，杯house coffee係淡的，加奶會開心少少，但都唔係好飲。
Strawberry Lychee Green Tea，本身都冇乜期待有咩特別，事實都係，不過不失啦。
三層架下午茶，啲迷你撻個個都差唔多味，糖霜味，唯一個朱古力撻不錯，咸食不過不失，都算幾精緻，最成功係嗰兩個蛋糕，榛子朱古力慕絲＆意式薩赫蛋糕，起碼食落去慕絲口感好滑，係用心之作。
總結，其實最唔開心都係個minimum charge，平時食嘢都好少有阻礙，叫得都有多冇少，老實說如果蛋糕一件賣$70，我都覺得ok，起碼唔洗計數計得咁辛苦先。最後為大家奉獻一個又食到雪菲蛋糕，又唔洗一人食兩件蛋糕，又過到min. charge嘅方法，就係雪菲蛋糕$58+特濃朱古力$68=$126
祝大家用餐愉快！
Post
