牛車水餐廳 (Closed)

今日放左工去食tea，岑miss又話約左人去吉之島，所以唯有去附近牛車水。其實呢間餐廳我地都成日去架喇，次次都係去食tea，服務唔好提喇，D員工真係好似唔係幾想做咁，淨係掛住傾計，叫佢兩三聲都唔應，唔該改善下啦！今次去我都係食我最鍾意咖哩雞飯，同嚴sir叫咖哩雞塊飯唔同，咖哩雞塊飯係一件過雞，但係咖哩雞飯就將一隻雞脾斬開幾件，D咖哩汁又夠味，唔會太辣，$22包埋飲品真係抵食。小小陳就食我另一至愛雞脾沙律，佢今次就唔好彩喇，上次見我食果隻雞脾大大隻，今次佢果隻就細左D，可以睇得出呢間水準係唔穩定。呢度D茶餐全部都份量足夠，連炒粉麵都有，全部$22，算抵。