C DESSERT

Open Now

Now Closed

同朋友去開灣仔，就帶朋友去食一間，之前食過好正嘅甜品店，li間甜品只此一家，絕無分店，就係"聰。C Dessert" ，今日好好彩，竟然冇人排隊可以直入😍同朋友兩個人都好鐘意食榴槤，就一人嗌左一個，再嗌埋個必食嘅牛角窩夫，朋友話想食下生果，又嗌多個鮮什果水晶珠，食甜品太開心la😍⭐榴槤水晶珠大量榴槤肉撈左喺雪糕入面，個面係榴槤肉，最頂係水晶珠，滿滿嘅榴槤，好正呀😋⭐️榴槤黑糯米基本上同榴槤水晶珠差唔多，佢地嘅分別係榴槤黑糯米個底係黑糯米撈左d芋頭粒粒，豐富左個口感，又有少少甜甜地，食落係另一番滋味，正😋⭐️麻糬紅豆抹茶牛角窩夫抹茶味嘅雪糕好香茶味，唔太甜，加埋甜甜地嘅紅豆，牛角包 加埋雪糕食，係完美嘅配搭，好好食呀😋⭐️鮮什果水晶珠個面有西瓜、士多啤梨、香蕉、蜜瓜、哈蜜瓜、芒果，有好多款生果😍，芒果仲好甜添😋，嗌嘅時候覺得平平無奇，點知黎到好驚喜，個底係芒果味嘅沙冰😍好正呀一路食就同朋友講，我地今次好好彩，可以直入，而家鋪頭門口已經大排長龍了