Video
Read full review
2009-08-30
9 views
周六司徒先生飲食團又出發，一行四人去左尖沙咀赫德道新開既川燒﹗張咭片整得幾靚呢﹗呢間野係佐敦重慶燒班底開的，星期六晚訂位爆滿，我地又唔鍾意搭枱死都要四人位，所以搞到等左一陣先有得入座﹗有青島生啤供應，梗係飲番杯，不過叫支裝抵飲0的﹗燒美國穀飼牛粒，牛嫩口有肉汁，不過我咁岩食0個粒0的鹽花下得太多，鹹左少少﹗涼拌青瓜夠哂麻辣，不過0的青瓜唔夠凍，食落口感一般﹗芝士金菇，芝味濃郁，金菇香甜，愛芝人士之選﹗呢個好味﹗手打海鮮棒﹗以八爪魚粒、墨魚等打成，既彈牙又香，滿佈的八爪魚粒令食落更有口感，我地order左三次﹗友人仲成支自己食哂添﹗丸類只是麻麻，特別係個咩麻辣包心丸，是街市打邊爐之流﹗芝士丸可以再燒耐一點，芝士效果會更好﹗雞翼一路燒一路有搽上醬汁同燒，不過唔係太熟﹗友人醉醉地竟然連血水雞翼都食埋﹗又話唔熟又食鬼哂﹗吹脹﹗久遺了的燒白鱔，友人話肥美香口，不過食家0個家就因太厚切唔多熟﹗燒韮菜香口好吃﹗當然成條都充斥住大陸的孜然風味﹗味道可以再濃o的﹗七吋長大蝦賣十四蚊條，真係幾啖啖肉喎﹗抵吃﹗呢個就要鬧，十幾蚊串魷魚鬚佢俾得幾粒我，放上枱都覺得寒酸左少少﹗很少吃到的大眼雞，因為實在係細條所
張咭片整得幾靚呢﹗
呢間野係佐敦重慶燒班底開的，星期六晚訂位爆滿，我地又唔鍾意搭枱死都要四人位，所以搞到等左一陣先有得入座﹗
有青島生啤供應，梗係飲番杯，不過叫支裝抵飲0的﹗
燒美國穀飼牛粒，牛嫩口有肉汁，不過我咁岩食0個粒0的鹽花下得太多，鹹左少少﹗
涼拌青瓜夠哂麻辣，不過0的青瓜唔夠凍，食落口感一般﹗
芝士金菇，芝味濃郁，金菇香甜，愛芝人士之選﹗
呢個好味﹗手打海鮮棒﹗
以八爪魚粒、墨魚等打成，既彈牙又香，滿佈的八爪魚粒令食落更有口感，我地order左三次﹗友人仲成支自己食哂添﹗
丸類只是麻麻，特別係個咩麻辣包心丸，是街市打邊爐之流﹗
芝士丸可以再燒耐一點，芝士效果會更好﹗
雞翼一路燒一路有搽上醬汁同燒，不過唔係太熟﹗
友人醉醉地竟然連血水雞翼都食埋﹗又話唔熟又食鬼哂﹗吹脹﹗
久遺了的燒白鱔，友人話肥美香口，不過食家0個家就因太厚切唔多熟﹗
燒韮菜香口好吃﹗當然成條都充斥住大陸的孜然風味﹗味道可以再濃o的﹗
七吋長大蝦賣十四蚊條，真係幾啖啖肉喎﹗抵吃﹗
呢個就要鬧，十幾蚊串魷魚鬚佢俾得幾粒我，放上枱都覺得寒酸左少少﹗
很少吃到的大眼雞，因為實在係細條所以我放包紙巾做個對比，小小大眼雞﹗$68﹗
見到咁細條大家都嬲嬲地，不過當打開之後見佢燒得恰到好處魚肉嫩滑不乾又離哂骨，大家開始搶吃了﹗
食家吃完後大讚好味，不過大條0的就更好味﹗
鐵板蜆我地試左兩個，一個係蒜蓉一個係呢隻清酒，兩隻都鮮甜好味，不過有幾隻食到有沙﹗
燒蒜頭無人識欣賞，我覺得好遺憾，所以我自己成串食哂﹗呵呵﹗
燒羊架$68四件，友人與食家每人兩件﹗
兩人異口同聲都說生了點吧？血淋淋的﹗
之後老闆問我地意見，我話太生佢就話生先好食，我都明要半熟，不過0的血係咁流出來好似生得濟吧？
燒茄子賣相不錯，可能佢落左我最憎的芫茜，最後成條好似無人食﹗
燒粟米夠大條，可惜燒得太乾身，粟米本身亦不甜，友人話個口感乾過腳踭，最後一人只係食左一啖，就棄之，可惜﹗
四個人好似發左咁食完又叫叫完又食，最後成八百銀埋單，不過貴在酒水錢吧，不飲酒一人百五蚊都走得的﹗
食物大都是孜然風味，感覺有如重慶燒，價錢比重慶燒貴少少，不過地方舒服，如人數多仲可以book房食添。
可以做得更好，老闆亦可多聽或多問食客的意見以求進步，有機會我地都會再來的﹗
更多相:
http://hk.myblog.yahoo.com/smallsmalllin/article?mid=17639
Post
