Pancake 專門紗織 (Closed)

無得旅行的揍仔女日誌，今日囡囡話好回味年半前的日本之旅，咁啱我見到銅鑼灣有間新野開咗，即管去試下，加上我好喜歡紫薯，呢甜品啱我口味！門口都有條人龍，等咗 15分鐘左右終於入得去，由於限二人令，只帶囡囡去，我地兩個一坐低先睇下有咩食，當然紫薯呢個經典野就必食啦，我女叫咗個朱古力雪糕pancake。等咗10 分鐘左右有得食，服務員都有禮貌，先到的是紫薯，一啖啖香濃的番薯味道，唔太甜，我呢類怕肥的人啱晒，裡面有一個似用糖/蛋白做的心，底下是鬆軟的蛋糕，非常唔錯，我會再食。飲品方面，我叫咗杯cappuccino，我稍嫌咖啡味唔夠濃，或且我下次叫一杯齋啡來襯托返個紫薯，咁會更好。我囡囡叫的朱古力雪糕pancake 到了，佢當然話正，基本上小朋友叫呢類係唔會輸，我試了一口，唔太甜還可以。整體上地方舒適，有一種日本feel，在掛住去旅行掛到唔知仲乜，呢間新店都算係銅鑼灣一個落腳點，可以一試！