Video
Read full review
2019-07-05
1580 views
1. 買兩碗餃子烏冬，店員阿叔只問左句: 湯使唔使分開裝，我話全部裝埋一齊得喇2. 由頭到尾都無講過原來係咁樣打包法，我坽上手已經係兩袋綁好結嘅膠袋，我無為意入面係點嘅，好人好者外賣盒都相差無幾啦3. 拿拿臨搭車番屋企諗住開餐，點知行兩行全部湯倒瀉晒，我本身揹住一袋，手拎呢兩袋，根本無本事移番正，加上大部分湯已倒晒出黎，短短幾分鐘車程非常驚險+狼狽不堪，隔離乘客勁驚我啲湯會整污糟佢竟然就咁條條fing、湯碗無蓋、因為個蓋反轉左用黎裝餃子！！無紙皮穩定，唔通抽住兩大碗野仲要玩雜技咁穩咁平衡先得？其實我真係唔介意俾多幾蚊加個盒，同時亦唔該你地湯碗加個蓋！如果真係明知有呢個情況，大可以話俾客知店主對食物質素嘅堅持我唔反對，但唔該認清下事實，以前我買煎餃都係咁，你唔想焗住啲餃子，我明，但嗰陣無湯無水，只係成袋充滿蒸氣，我都覺得好ok，我都一直有支持無錯，係好貼心問我要唔要辣建議可用匙羹仔裝，但無人想沿途小心弈弈抽住兩袋水袋再打開見到呢堆貼住喺膠袋嘅餃子、水、辣油真係覺得呢間店好神奇，可能只係我先會拎到咁衰，係我唔正常，雖然我都幫襯左咁多次，之前有一段短時間無咁好食，但最近又回勇番最後要讚個膠
2. 由頭到尾都無講過原來係咁樣打包法，我坽上手已經係兩袋綁好結嘅膠袋，我無為意入面係點嘅，好人好者外賣盒都相差無幾啦
3. 拿拿臨搭車番屋企諗住開餐，點知行兩行全部湯倒瀉晒，我本身揹住一袋，手拎呢兩袋，根本無本事移番正，加上大部分湯已倒晒出黎，短短幾分鐘車程非常驚險+狼狽不堪，隔離乘客勁驚我啲湯會整污糟佢
竟然就咁條條fing、湯碗無蓋、因為個蓋反轉左用黎裝餃子！！
無紙皮穩定，唔通抽住兩大碗野仲要玩雜技咁穩咁平衡先得？
其實我真係唔介意俾多幾蚊加個盒，同時亦唔該你地湯碗加個蓋！如果真係明知有呢個情況，大可以話俾客知
店主對食物質素嘅堅持我唔反對，但唔該認清下事實，以前我買煎餃都係咁，你唔想焗住啲餃子，我明，但嗰陣無湯無水，只係成袋充滿蒸氣，我都覺得好ok，我都一直有支持
無錯，係好貼心問我要唔要辣建議可用匙羹仔裝，但無人想沿途小心弈弈抽住兩袋水袋再打開見到呢堆貼住喺膠袋嘅餃子、水、辣油
真係覺得呢間店好神奇，可能只係我先會拎到咁衰，係我唔正常，雖然我都幫襯左咁多次，之前有一段短時間無咁好食，但最近又回勇番
最後要讚個膠袋，真係堅韌到不得了！
Post
