峰味清雞湯米線

Open Now

Now Closed

我之所以認識這家良心小店是因為某電視飲食節目我先識 (好幾年前), 所以都食過幾次, 試過雞湯, 不錯!餃子皮好薄, 用料十足, 而且老闆經常提到餃子餡料會放比較多菜, 因為比較健康, 我都認同, 因為我好怕有一些店舖的餃子太多肥豬肉, 成口油笠笠, 真是不是味先兒~ 因此, 這間餃子十分合我心水~除了餃子以外, 飲品都好足料, 我以前間中行過都會幫襯, 真材實料, 實屬用心製作, 讚!記得初時, 飲品款式不多, 但近年都愈來愈多不同選擇, 不錯!雖然店舖門面不及其他店那麼裝修漂亮, 但卻勝在夠地道, 有好多街坊支持, 重點是好食, 先會有番頭客捧場, 對吧~我下次經過開, 都會繼續支持~~ 希望良心小店能繼續營業下去, 加油老闆 😁

我一直喜歡支持辛苦經營的食店， 光顧此店是因為傳媒報導，欣賞老細的信念。但這店只做外賣， 午餐時間總喜歡外食的我身在荃灣， 這間只可以做後備。有幸今日幫襯， 一早做定家課， 買了湯餃及炸餃， 用手機先落單， 準時去店取， 奈何到達後， 仍要等， 正面同自己講，即整好味D 。 因為一早諗住會為此店寫食評， 等待期間影了兩張相。10分鐘後（真係即整，明明我早30分鐘落單的）, 終於可取， 炸餃以膠碟裝上，沒有膠袋， 放在湯餃上算了！小店麻；好吃就得啦。即回辦公室，4分鐘路程， 回到office即打開湯餃，真係好薄，薄到夾唔起， 只可用羹匙“不”。 “不”起一隻， 嚇親我， 餃子碎的。好碎。如何吃？！？買8隻， 碎4隻，其他的都非常林， 完整只是表面那隻？！ 真係好唔開心， 唔知自己在食什麼。。。小店麻， 當自己做善事！唔好意思， black listed你。永不幫襯！

清雞湯餃子🥟$24/8件咁啱行過，好耐冇食過佢啦😏老闆依家好似主力做健康飲品🤣我見到都幾多人買😎都係講返啲餃子先🥟價錢幾年都無變過🥸真係唔簡單👍依舊係用清雞湯🐔餃子都仲係大大件😆味道就好似無以前咁好🙈不過仍然好足料，好抵食🤩唯一不足嘅地方就係，冇堂食😅買完要響附近食🤣還好附近有個corner位，可以坐喺度食🥸峰味清雞湯米線 (荃灣)荃灣鱟地坊80-84號華成樓B座地下B6號舖

一向都好中意食餃子成日都經過呢間小店，一直都以為係賣涼茶，點知原來有餃子同炸雞賣🤣🤣終於忍唔住引誘試下佢個餃子估唔到又平又好食！！！24蚊有8隻淨餃子😍入口鮮甜，唔似外面個d好重味，食落較清淡而且冇味精！食到菜同肉既鮮味😍😍😍以前食完餃子都好口渴，個口好咸咁呢次絕對冇呢種感覺，食完8隻都唔係好夠，好想再食🤣除左湯餃仲有煎餃，等野食期間都見唔少人外賣生餃返去自己煮但原來烹調過程都好講究，店主會好詳細解釋你知個過程同點煮好食🤣下次黎再試下佢d炸雞同煎餃先！

聽講呢間小店都幾出名店主特別用左一段時間去研製自家米線將米線改良再改良直至適合香港人口味但由於小店並無座位，只供外賣小編今次就冇叫到米線而叫左同樣出名既餃子餡料既份量唔算多，餃子睇落都唔算大件不過餃子皮夠薄身，食落唔會好粉店主將餃子炸至金黃色，口感香脆另外有自家製既辣椒醬醬料包含一粒粒魚乾，食落味道好夾

由試業就開始幫襯 忍約記得當時隱蔽嘅巷仔裏飄來淡淡清湯味好鐘意呢間嘅凍魚湯餃子烏冬+辣醬combo同埋涼茶喺真材實料咁煲秋天涼爽乾燥嘅天氣大大話話前後都encore咗不下廿次🥟唔同一般肥猪肉餃子油膩厚皮食幾粒就飽嘅感覺用大量蔬菜同瘦肉搓成嘅餃子非常薄皮但飽滿清爽多汁🍜配搭埋清甜鮮美嘅四國鰹魚湯同煙韌彈牙嘅烏冬一流唔好以為係一般嘅烏冬 食落有讚岐烏冬feel 🌶️辣醬裏面有小魚干同花生 辣度夠且非常香口 食得辣嘅人一定要試鱟地坊條巷實在太窄喇兩個人並肩行已經有啲迫 堂食係impossible mission 所以唔好意思只設外賣不過通常我鐘意趁新鮮行多幾步去後面大河道休憩處揾個地方坐係度食去之前最好撥一撥個輪打電話去叫定 大概預返15-20分鐘最後仲要讚下我次次嗌都會自己帶盒 老闆哥哥永冇托手踭 仲好有禮貌同細心咁幫手分好晒

1. 買兩碗餃子烏冬，店員阿叔只問左句: 湯使唔使分開裝，我話全部裝埋一齊得喇2. 由頭到尾都無講過原來係咁樣打包法，我坽上手已經係兩袋綁好結嘅膠袋，我無為意入面係點嘅，好人好者外賣盒都相差無幾啦3. 拿拿臨搭車番屋企諗住開餐，點知行兩行全部湯倒瀉晒，我本身揹住一袋，手拎呢兩袋，根本無本事移番正，加上大部分湯已倒晒出黎，短短幾分鐘車程非常驚險+狼狽不堪，隔離乘客勁驚我啲湯會整污糟佢竟然就咁條條fing、湯碗無蓋、因為個蓋反轉左用黎裝餃子！！無紙皮穩定，唔通抽住兩大碗野仲要玩雜技咁穩咁平衡先得？其實我真係唔介意俾多幾蚊加個盒，同時亦唔該你地湯碗加個蓋！如果真係明知有呢個情況，大可以話俾客知店主對食物質素嘅堅持我唔反對，但唔該認清下事實，以前我買煎餃都係咁，你唔想焗住啲餃子，我明，但嗰陣無湯無水，只係成袋充滿蒸氣，我都覺得好ok，我都一直有支持無錯，係好貼心問我要唔要辣建議可用匙羹仔裝，但無人想沿途小心弈弈抽住兩袋水袋再打開見到呢堆貼住喺膠袋嘅餃子、水、辣油真係覺得呢間店好神奇，可能只係我先會拎到咁衰，係我唔正常，雖然我都幫襯左咁多次，之前有一段短時間無咁好食，但最近又回勇番最後要讚個膠

收工碰巧有事來到荃灣，又肚餓，緊系去搵好野食，在土炮介紹小這間峰味清雞湯米線。老闆開店子背後故事很感人，推介大家上網睇。一間很用心經營小店。第一次不熟路，找了挺久，因為荃灣實在太多天橋，睇到眼都花。原來這裏在荃灣地鐵站A1出口沿路直去，下了迴旋天橋，然後便過對面馬路，然後再直行，轉入小巷便到，大約步行10分鐘即可，位置便利。$42八粒餃子配面，很飽肚，價錢便宜。餃子鳥冬味道不錯，由於即叫即煮，需等候6-8分鐘，鳥冬很有咬口，餃子料很新鮮，湯絕無味精，老闆又很有禮貌，又教我怎樣回去煮。可能我是食肉獸關係，感覺餃子的豬肉不夠，肉可以多點，口感會更佳。老闆還有自家製的潤口飲品（網上也是推介的），下次再來荃灣必定再來幫襯，多謝你為香港人製造好野食，希望大家多多支持，加油老闆。

因為附近工作嘅關係，所以沙咀道附近開左咩新店我都會第一時間去試下呢間店都唔例外，果陣佢開業無耐我就去試食佢嘅餃子同烏冬，聽老闆介紹仲試埋佢嘅支裝飲品，但因為太耐之前，我都唔記得飲果支係咩，淨係記得好清甜，味道唔錯果陣可能因為剛剛新開張，人流唔係太多，老闆有耐性與顧客傾計，仲會介紹餃子點食之類，非常親切。之後我都幫襯左幾次前排見到蘋果同佢做左個訪問，都估到應該會客似雲來，但又忽然想食餃子，就去幫襯，點知就係惡夢開端當日已經有幾個人企係店鋪對面，我估佢地係已經落單並在等待攞餐，我望前望後，都唔記有任何指示或排隊等候收銀處，咁我唯有叫一叫老闆，睇下我應該要企係度等定係佢要等陣有時間先理我點知老闆好悔氣咁話："點呀？等陣啦！"跟住一邊煮佢嘅餃子一邊口upup唔知講乜，仲要附送一個悔氣眼神而佢老婆見到都冇出聲，淨係係度搬餃子。我明白你做到燥既心情，但我俾錢你唔係要受你氣黎食野你又冇任何指示，又冇排隊指示，我企係度等既時候，已經有好多人係側邊行入黎，即係隨時有人黎打尖，你可以同我講叫我側邊等等，未有時間接新單，但你只係好悔氣一句："點呀？等陣啦！"好，咁唔想做我生意我都唔會勉強，咁我去左附近食拉麵

性價比極高既餃子❤️今日出左荃灣 之後去左買呢間出名既餃子🤪皮好薄 好多餡‼️‼️‼️‼️‼️落左單之後係即煮 所以要等十零分鐘 老闆最尾都有貼心咁講 下次趕時間可以打黎落單先👍🏿主打無味精～ 其實都好feel到 因為一咬落去係蔬菜既味道 爽口😋同埋真係好抵 24蚊 8隻❤️要支持香港小店 仲咁比心機 難得💪🏿大家係附近做野都係可以去試下 當早餐都好 佢另外有個餃子麵定烏冬 大家都可以去睇下😆😆😆😆😆😆😆😆

#峰味清雞湯米線 (荃灣)荃灣鱟地坊80-84號華成樓B座地下B6號舖-----係荃灣見到呢間專賣外賣ge小店好多人排隊 B仔又點可以唔湊熱鬧呢～😋清雞湯餃子（$20-6隻）皮薄餡靚 佢個皮唔係一般ge薄 係薄到有d晶瑩通透 餡料多菜少肉 非常健康 咬落去非常多汁 味道清得黎好鮮甜 係非人造ge甜味 整體調味非常到位 一個人啪曬6隻毫無難度😄估唔到一間望落完全唔起眼ge小店 竟然係整餃ge隱身高手😋-----👶🏻B仔整體評價：9.5/10個👍🏻👶🏻B仔抵食程度：8.5/10個👍🏻👶🏻B仔環境評分：外賣yo👶🏻B仔味道評分：9.5/個👍🏻👶🏻B仔回頭機會：10/10個👍🏻-----

荃灣鱟地坊有條士林夜街，一條巷仔有幾間唔同既小食店，之前屋企人推薦之下食過呢一間餃子舖，今次自己一個行過附近，又想清清地食小小野，諗都唔駛諗就即刻過去食喇～今次時間正值中午，去到都有幾個客等緊餃子，同時都有唔少街坊會買竹蔗茅根、蘋果雪梨飲呢D自家製飲品。因為即叫即整，等左一陣老闆就送上6隻清湯餃子🥟😋 接過手即刻行埋一邊食！隻隻餃子都皮薄餡多，佢個餡係菜多過肉，所以感覺係清新、清爽，食完唔會覺得有負擔～而個清湯飲落去就感覺到真係無落味精，食完晒係唔會覺得口渴既☺️$20有6隻真係好高性價比！老闆比我感覺好用心，聽到佢同其他客人講下次可以打左電話黎嗌左先，咁之後十分鐘左右過到舖頭就可以唔駛等即刻有得食喇！下次再食等我試下個煎餃子，仲有佢D自家製飲品先😋

鱟地坊， 住喺荃灣嘅人都知道呢一條街就係食小食既地方，如果想掃街行過肚餓，又未食得正餐，通常都會喺呢度搵食。今日約咗一次路過條食街， 喺峰味道買咗件八件椰菜餃子， 每次食都感受到呢種 一口餃背後七年功力嘅感覺 ，冇味精， 材料爽口， 健康 為主， 8 只 餃子都不過係24蚊， 圍返一隻都不過三蚊， 老闆用心做餃子，多年益街坊， 薄利多銷，like另外店舖亦都有好多 季節性飲料， 老闆真係百足咁多爪， 樣樣精通， 如果店舖 可以騰空一個小小嘅枱仔 ，放下食物 就好啦

荃灣多嘢食就係人都知，尤其是係小店，好多都好用心製作，就算掃街，都有排先至食得晒。今次就去咗一間專賣餃子嘅小店，試咗佢出晒名嘅皮薄餡靚餃子，睇吓係咪真係咁好食。第一次嚟就試吓佢個清雞湯餃子先啦，可以順便試埋佢個湯底。$15有四隻，餃子果然名不虛傳，就咁睇已經見到入面啲餡有幾多，咬落去仲爆曬汁添，仲非常爽口，食得出啲料唔係雪藏嘢。而個清雞湯就比較清，我覺得可以再濃啲。不過見到隔離有人買煎餃，都真係隻隻煎到金黃色，搞到我都好想試一下，下次返嚟再試吓佢個煎餃！

食過呢間好多次，因為佢嘅餃子皮薄爽脆，雞湯好清甜，餃子嘅椰菜好爽，加韭菜同小小豬肉，食起上嚟係索索聲，佢嘅碗清湯雖然份量唔多，但食得出係冇味精同埋係老闆用心嘅製作，每次食親都覺得佢嘅食材好新鮮，食完唔會口渴，佢仲有賣涼茶，買過佢嘅蘋果雪梨木瓜茶同竹庶茅根，清甜好味，拎上手仲係暖嘅，感覺好新鮮！又試過買一打餃子返屋企煮面，老闆會悉心講解要點樣煮， 餃子可以放幾多日， 點樣存放，又好好禮貌！感覺上啲餃子就係老闆嘅命根，所以經過都會嚟食吓，覺得係一間好用心嘅小店！