Video
Read full review
2024-09-27
328 views
唔知邊度可以任食高級牛肉食到飽，呢度就為大家推介一個好去處，就係位於馬鞍山 MOSTown 新港城中心入面嘅【一鼎•台式火鍋】。呢度就俾你享受牛肉火鍋放題，想食幾多就食幾多。之前喺網上搵資料，呢間【一鼎、台式火鍋】喺屯門都有一間分店。睇咗餐牌，覺得價錢公道，食材從啲相睇落去都非常之新鮮，決定就揀一個夜晚親自嚟到距離我家比較近嘅馬鞍山分店嚟體驗吓佢哋嘅火鍋放題。呢度環境的確唔錯，而且人潮仲唔少添。我呢度叫咗兩個人一共＄678，食兩個鐘，嘅【澳洲 200 日純殼飼牛】套餐。今次嘅體驗非常之值得呢個價！又佢哋嘅【QQ 骨膠原】（膠原豬王骨鍋）同【熏鰹魚】（海苗鰹魚清湯鍋）作為湯底，嚟配搭佢哋嘅牛肉。呢兩鍋湯底一點都唔馬虎，【QQ 骨膠原】有濃郁嘅豬骨清甜，然後【熏鰹魚】食落去就非常之鮮美。【澳洲 200日純殼飼牛】肉片嘅色澤光滑粉嫩，油脂分佈偏多，但係涮咗食落去肥而不膩，仲非常之開胃。頂級嘅牛肉配搭佢哋嘅頂級湯底，最緊要係任你食！呢度我仲叫咗各式各樣嘅配菜，有【豚肉京蔥】、【二荊椒和牛串】、【青藤椒牛舌】同【煙肉鵪鶉蛋】。【豚肉京蔥】非常之嫩，配搭京蔥嘅香脆，非常之爽口。而【二荊椒和牛串】有
唔知邊度可以任食高級牛肉食到飽，呢度就為大家推介一個好去處，就係位於馬鞍山 MOSTown 新港城中心入面嘅【一鼎•台式火鍋】。呢度就俾你享受牛肉火鍋放題，想食幾多就食幾多。
之前喺網上搵資料，呢間【一鼎、台式火鍋】喺屯門都有一間分店。睇咗餐牌，覺得價錢公道，食材從啲相睇落去都非常之新鮮，決定就揀一個夜晚親自嚟到距離我家比較近嘅馬鞍山分店嚟體驗吓佢哋嘅火鍋放題。
呢度環境的確唔錯，而且人潮仲唔少添。
我呢度叫咗兩個人一共＄678，食兩個鐘，嘅【澳洲 200 日純殼飼牛】套餐。今次嘅體驗非常之值得呢個價！
又佢哋嘅【QQ 骨膠原】（膠原豬王骨鍋）同【熏鰹魚】（海苗鰹魚清湯鍋）作為湯底，嚟配搭佢哋嘅牛肉。
呢兩鍋湯底一點都唔馬虎，【QQ 骨膠原】有濃郁嘅豬骨清甜，然後【熏鰹魚】食落去就非常之鮮美。
【澳洲 200日純殼飼牛】肉片嘅色澤光滑粉嫩，油脂分佈偏多，但係涮咗食落去肥而不膩，仲非常之開胃。頂級嘅牛肉配搭佢哋嘅頂級湯底，最緊要係任你食！
呢度我仲叫咗各式各樣嘅配菜，有【豚肉京蔥】、【二荊椒和牛串】、【青藤椒牛舌】同【煙肉鵪鶉蛋】。
【豚肉京蔥】非常之嫩，配搭京蔥嘅香脆，非常之爽口。
而【二荊椒和牛串】有牛肉嘅鮮香再帶點二荊椒嘅微辣，刺激住味蓄非常之爽口。
【青藤椒牛舌】嘅青藤椒啱啱好蓋住咗牛舌嘅腥味，但係唔會喧賓奪主，唔會掩蓋牛舌本身嘅鮮味。【煙肉鵪鶉蛋］喺呢度都係非常之推介，煙肉嘅肉香味，配搭鵪鶉蛋簡直係絕咗！！
以今次嘅用餐體驗嚟講，我會俾滿分，因為啲嘢食非常之好食，價錢唔貴，環境乾淨，食材新鮮，飲品好飲！下次一定會再嚟幫襯！！！
Post
