王牌冰室 (南豐紗廠) (Closed)

王牌冰室都係常去既餐廳之一。好多時都食常餐, 今次想食肉餅, 所以懷住戰戰兢兢既心情落單。點解會係戰戰兢兢呢? 因為不只一次唔係食常餐而失望。記得有次去食葡汁雞, 成盤餸得幾舊雞, 另一次叫肉餅又薄又稀。不過今次太想食肉餅, 就決定俾多次機會。肉餅黎到, 好多豉油汁, 正! 最怕外面既餐廳有時俾好少豉油汁。到夾個肉餅時, 感覺到同平日食既有D 唔同, 結實左! 食埋口果然係有口感左好多, 唔似以前咁, 肉餅好似溝左好多水再整扁, 又薄又稀今次係感覺到多肉左, 結實左! 不錯!希望可以KEEP 到呢個水準。