羅麥記 (奧海城2期) (Closed)

提早收工， 想靜靜地嘆個下午茶先回家， 所以去了附近奧海城嘅呢間懷舊茶餐廳。 之前已經去過青衣城的店， 最愛佢地嘅磚頭焗飯。呢度地方都算幾大，有好多卡座所以坐得幾舒服。因為今日我想試啲唔同啲嘅野， 我點左常餐羅麥雞翼配通粉， 加杯清涼蜂密菠蘿冰。另外再點了芝味牛肉蔥油餅卷，嘩好豐富！菠蘿冰沖得好濃味， 而且堅有粒粒菠蘿冰，好冰涼。我其實之前都有食過羅麥雞翼， 但我覺得辣版更惹味， 雞翼醬汁撈過嘅通味味道好夾。蔥油餅卷裹住厚厚一片牛肉再加大量芝士， 入口濃厚，鍾意芝士嘅一定喜歡。