大紅袍火鍋料理

Open Now

Now Closed

打算一大班人去食一間比較可以坐得耐少少的火鍋店，上網見到有推介就揀咗，之後就打電話book位，去到見到環境都唔錯，但就冇影相，好快就入座點餐，揀湯底揀咗一個花膠雞腳燉原隻雞湯$278，見湯底價錢應該唔會有伏，湯底一到店員就建議我地飲湯先，真係好似阿媽煲，好夠料。點咗一大堆菜，冇咩特別介紹就係菜，最緊要冇爛就食得，但菜的種類好多，值得一讚。黃喉好爽口，又新鮮！每人都可以食到兩三塊整體感覺都好好！食物新鮮、好食，亦都係一個好好食飯的地方。