22 Branch Oyster Bar & Restaurant (Closed)

作為住附近嘅街坊，我久不久就會去幫襯。之前食開都滿意，所以一直有回頭。今日去到想試下之前無試過嘅嘢，所以叫左beef burger, 諗住呢啲classic 又basic嘅菜，對西餐廳嚟講應該穩陣啦？！結果都出事😪首先上到嚟，個包點解無夾到芝士架呢？係漏左？定其實係我要另外叫架？beef burger無芝士，我第一次見，可能是我孤漏寡聞唔識嘢。然後咬落去食，都夠濕夠juicy的，但係，點解無咩味？鹹味都無嘅，有無調味？再食落去，舊肉好生噃！我叫左七成架噃，食到去中間，發現舊肉只是個邊熟，中間是全生肉嚟，唔得喇，雖然好肚餓，但burger舊肉咁生我真是食唔慣。同侍應反映，佢查單後話佢哋有寫低是七成，可以再整過畀我。我問佢，咁樣叫唔叫七成？侍應無答，我都知唔好為難佢，於是話埋單了，唔洗再整過，但叫佢拎返畀廚房睇。我唔想被誤會是嚟佔人便宜，亦唔想再食呢個包，真心難食。最後食薯條塞滿個胃就走。過百蚊埋單，唔係食唔起，而是好失望。那種塞飽左個肚但是唔滿足嘅心情，真是貼錢買難受😣。