壹小店 (Closed)

位置唔係好近觀塘地鐵站嘅一間黃店，外面全部都係關於抗爭嘅相！呢間cafe應該主要係食waffle 同西班牙蛋餅，我哋叫咗兩個蛋餅，一個係菠菜煙三文魚，但係佢個煙三文魚係配埋蛋餅去bake, 所以變咗做熟嘅三文魚，好一般，佢個餐係配埋一個粟米湯同沙拉，湯都只係一般啫！另外呢個可能係吞拿魚就好食非常多！吞拿魚唔係乾爭爭嗰啲，有sauce整埋一齊去焗，好食嘅！跟住仲嗌咗mixed窩夫，其中一個有年糕係入邊嘅，有d特別但唔係咩好吸引嘅食物。