正斗粥麵專家 (又一城)

Open Now

Now Closed

▫️干炒牛河 干炒牛河份量夠兩個人一齊食，一上台出晒煙咁已經感受到陣鑊氣，啲河粉炒到條條分明，唔會有啲位冧咗痴埋一舊咁，食落都有咬口唔會太冧炒到爛哂咁😆牛肉大大舊，肉質軟腍嫩滑，一啲都唔嚡口， 醃得入味。河粉嘅啲醬油炒都好色澤均勻，調味都恰好，加埋少少自家製辣椒醬吊吊味，又辣又惹味🔥▫️巧製南乳豬手麵細細碗有兩大舊南乳豬手，炆得好軟諗入味，食到南乳嘅香味。豬手嘅肥瘦比例啱啱好，都有好多肉、皮同膠質可以食👍🏻個麵質地偏硬好咬口，唯獨係個份量偏細，食完一碗都唔夠飽😂▫️幼滑蝦米腸粉腸粉份量相比出面平時飲茶大份，腸粉都好嫩滑，特別多蔥粒，食落香口啲。