Video
Read full review
2009-07-24
264 views
今晚原先打算去隔離舖同屋企人慶祝生日，點知去到先發現"東主有喜是日休息"，咁就唯由改去附近食店，行下行下就有個熱心的阿姐同我地講"入去試下啦我地間舖試下啦，我地好乾淨企理架，個廚都好幾好手勢架，如果唔好食下次就唔好來了"，就因為她與眾不同的"對白"，所以就吸引了我及我的家人入去試下了。因為本人都有的潔癖，所以入到去都都會周圍打量一下，居然發覺舖內都幾乾淨，特別是的碗碗碟碟筷子都好乾淨，而且阿姐都好熱心咁不停幫我地加水。 上菜的速度都頗快手，可以話即叫即起菜，上菜時的餸都頗大碟，又好夠熱架~我地6 個人叫了一個4-5人餐另加兩味餸：套餐有：chopstick:越式拼盤 : "扎肉"口感一般、"越式春卷" 熱辣辣好味道、"酸辣鳳爪"酸酸地幾開胃味道剛剛好 泰式咕嚕肉： 本人都頗欣賞因為佢的咕嚕肉炸得好乾身， 醬汁味道及濃度都調教得剛剛好唔會有太多多餘的汁留在碟上，再加上大大碟好抵食，就連主角都忍唔住食多兩件味菜黃花魚：都是第一次見人用炸左的黃花魚配味菜(即鹹菜)加枝竹，味道都頗為特別 酒香越粵雞：酒味唔算太濃，易入口及雞肉都幾滑馬拉盞炒通菜：全晚大家一致認同最夠鑊氣的小菜，最緊要係顏色好"
因為本人都有的潔癖，所以入到去都都會周圍打量一下，居然發覺舖內都幾乾淨，特別是的碗碗碟碟筷子都好乾淨，而且阿姐都好熱心咁不停幫我地加水。 上菜的速度都頗快手，可以話即叫即起菜，上菜時的餸都頗大碟，又好夠熱架~
我地6 個人叫了一個4-5人餐另加兩味餸：
套餐有：
chopstick:越式拼盤 : "扎肉"口感一般、"越式春卷" 熱辣辣好味道、"酸辣鳳爪"酸酸地幾開胃味道剛剛好
泰式咕嚕肉： 本人都頗欣賞因為佢的咕嚕肉炸得好乾身， 醬汁味道及濃度都調教得剛剛好唔會有太多多餘的汁留在碟上，再加上大大碟好抵食，就連主角都忍唔住食多兩件
味菜黃花魚：都是第一次見人用炸左的黃花魚配味菜(即鹹菜)加枝竹，味道都頗為特別
酒香越粵雞：酒味唔算太濃，易入口及雞肉都幾滑
馬拉盞炒通菜：全晚大家一致認同最夠鑊氣的小菜，最緊要係顏色好"青綠"兼爽口
:bowl：絲苗白飯4碗
另加兩味餸有：
黃金大蝦($45)：選用中蝦，但有的美中不足是炒得唔夠乾身，若果再乾身及濃味的會好D
新疆炒牛肉($35)： 色彩鮮艷，味道不過不失
另外，阿姐仲送埋糖水紅豆沙比我地TIM
**注意是項: 若果無叫啤酒、汔水，開茶就每位$2<<感覺好似去左舊式茶樓**
整體來講，這間舖"越粵棧"平時行過你是唔會發現到它的存在，因為它都真是一間裝修唔算太過搶眼或新潮的街坊舖頭，但品嚐過一次之後相信之後我都會KEEP 住幫襯，因為佢附合了"乾淨企理、平靚正"的原則。
全晚1個4-5人餐+2味餸+6個人茶錢，埋單都只不過是 $260/6個人，真是抵到爛!
Post
