薈麵館

Open Now

Now Closed

港島區名店林立，食肆更加係多不勝數。成日都覺得係港島區食嘢係會比較貴，要搵到一間實惠啲又平靚正嘅真係有啲難度，難得今日有人請食飯，仲要平靚正—薈麵館正當下午茶時間，人客唔算多，環境清幽寧靜，枱同枱之間唔會好迫，坐得好舒服。因為我貪心樣樣都想試嘅關係，所以我叫左個乳豬燒味六寶飯和清潤雪耳燉木瓜..都只係$88，真係低食之選呀。六寶飯款款都好高水準，有叉燒，油雞，乳豬，燒鵝，燒肉，叉燒夠淋身又入味，半肥瘦啱啱好，肉嫩多汁，而且蜜糖嘅甜度都足夠，乳豬皮脆肉嫩，脆卜卜入口鬆化。燒肉既皮都好脆，半肥胖瘦，肉質爽口，真係冇諗過，喺港島區呢個價錢可以食到咁高水準嘅燒味。我朋友叫左個鼓油雞肉飯😋正宗海南文昌雞飯配眉豆雞腳湯，個湯雖然係送既但勝在火〇侯十足，飲落同出面茶記例湯一啲都吾同，誠意十足，啱晒我呢啲少湯水嘅人；另外個文昌雞飯睇落賣相都好普通但食落好香喔，雞肉亦好嫩滑。鮮蝦雲吞足料靚蝦包〇係入面鮮味十足，爽口彈牙，份量都好大嫁。點心方面：蟹籽燒賣皇，大大件，雖然佢賣相一般，但係你估佢唔到原來咁好食，好多蟹籽覆蓋住粒燒賣，入邊好多蝦肉，入口爽口彈牙，而且佢嘅點心全部都係即叫即正，所以想到枱仲係熱辣辣