金牌小龍 (Closed)

上網留意到isquare入面有間平價上海野，早幾日收工就去左試下😍 上海野呢個價位嚟講係尖沙咀呢個地段真係叫平，性價比好高！餐廳座位都闊落，佈置簡單，坐落都好舒服！上海野當然唔少得小籠包同擔擔麵。呢到小籠包好多唔同款式，有傳統有蟹黃有香辣，甚至連朱古力同芋泥都有😂 我地就揀左蟹黃，小籠包夠熱，入面嘅蟹黃都唔少，食到香嘅蟹黃味。至於擔擔麵，呢到嘅唔似平時嘅湯麵，係擔擔撈麵，所以湯唔算好多，味道偏辣🤭花生醬味較淡，所以睇個人喜好啊小食方面叫左個醉雞同鹵大腸。醉雞上碟有條參同杞子係上面，醉雞唔係平時食嘅一舊舊有骨，而係雞肉切片！食落好方便，唔洗吐骨。大腸方面清洗得好乾淨，份量都多，鹵得都好入味，唔會太鹹。另外仲叫左豬肉餡餅、蔥油拌麵同三杯雞。餡餅可以揀牛肉或豬肉餡，上枱熱辣辣，咬開好多汁爆出嚟，好好食！蔥油拌麵係上海幼面，拌上肉碎，個人就覺得可以多d醬汁，會更惹味至於三杯雞份量都多，亦都係偏辣，味道唔錯！