食遇上海料理

Open Now

Now Closed

落街整頭髮，係附近搵左間食上海野既餐廳食午餐，之前好少行黎呢邊，都唔知呢個位開左間新餐廳咁岩係午餐時段，所以就同朋友一人叫左一個午餐，午餐包飲品，所以都幾抵食蒜泥白肉麵配雲吞2隻 （花生擔擔麵底）$50湯底有四款選擇，我揀左小辣擔擔麵湯底，湯底唔算好杰身，但麵條好掛汁，而且唔膩。蒜泥白肉肥瘦均勻，重口味香酥雞翼粗炒 $58雞翼即叫即炸，熱辣辣，外脆內嫩，粗炒好有鑊氣，唔油上海小籠包$32/4隻皮薄，肉汁多，配上黑醋同薑絲，味道更佳招牌口水雞 $46/例牌雞肉嫩滑，口水汁惹味，帶有少許辣叫左一黑一白豆漿（跟餐免費）幾大支，唔太甜