炎天丼 (Closed)

之前一直都有興趣想試天婦羅丼飯，又見呢間舖有唔少好評，今日終於決定要去試試佢。海鮮天丼 $58呢個丼飯分量都唔細，炸物有流心蛋、菜心苗、茄子、蓮藕、虎蝦、魷魚及蟹柳棒。天婦羅炸得幾出色，表面薄薄一層炸粉，食落都唔會好油。建議將流心雞蛋同飯撈埋一齊食，會無咁乾。炸蓮藕好好食，口感脆脆哋仲帶有甜味。比較特別嘅係有炸菜心苗，真係第一次食到。海鮮天婦羅配信州蕎麥麵 $56炎炎夏日最適合食蕎麥麵，撈埋醬汁一齊食，口感好清爽。椰菜花好有驚喜，好好味。唔會炸到好乾身同埋好柴，可以保留到佢原有嘅味道。整體來講，天婦羅嘅質素好高，呢個價錢都真係幾抵食。