小叻沙 (Closed)

六點零唔太餓，天氣又涼涼地，見到有叻沙便坐入去，一打開餐牌就好開心見到有個素的選擇，雜菜蛋叻沙 $39，不吃素的亦大把款，有肉骨茶、牛腩、豬頸肉、扎肉、雞肉、海鮮、帆立貝、及10吋半長大虎蝦等伴料。價錢由$39至$108，豐儉由人。如果好似我有素食素的朋友，都會開心有素叻沙，一般叻沙餐廳無素，我叫的雜菜蛋叻沙$39，好大碗，有半邊蛋、有西蘭花、椰菜、青瓜絲、蘿蔔絲、葱花等。湯夠味適中，不淡不濃。我成碗飲晒。麵是摻摻粉，即米粉同油麵兩溝，可改為淨一樣，辣度亦可調整。我亦好欣賞有自助水，食叻沙有水都好緊要，自助就方便，有暖水同室溫兩種。汽水$8，小食都係十零廿蚊，可睇餐牌的相。坐得舒服，乾淨。店員態度好。