小叻沙 (Closed)

偶爾經過灣仔被主打叻沙招牌吸引，價錢十分相宜便決定一試餐廳寬闊，座位非常多，看看餐牌後發現不僅有各式各樣喇沙，款式湯底麵款任君配搭還有不少小食蔬菜款式如雞牛豬串燒、金菇雜菜、等等最出色莫過於星洲大蝦多士多士香脆可口，塗了少少牛油，再加原隻蝦放在多士馬來沙嗲牛肉雞肉各一串，充滿炭燒味道，雞肉串比較出色點了兩碗喇沙，分別是扎肉+炸魚片摻摻配喇沙湯底牛腩喇沙油麵配咖喱喇沙湯底摻摻原來是油麵和米粉混合在一起，吃下去口感豐富，一次試到兩種口味麵上的配料豐富，例如雞蛋、芽菜、豆腐乾等，吸收了湯底的精華

午膳時間和同事們在公司附近尋找美食，由於公司位處商業大廈林立的地區，因此一到午膳時間幾乎所有的餐廳都擠滿了人，全部都需要排隊等候。路過這家新開的餐廳，剛巧裡面正好有幾個空位，不用等位，所以就進來用餐了。餐廳環境：寬敞明亮，在各家餐廳都擠滿了人的情況下這家餐廳就顯得特別的舒適了，而且環境也很乾淨。食物質素：豬頸肉+魚餅喇沙, 好多料, 湯底好濃郁, 好香椰奶味, 個麵係由米粉同油麵兩溝叫摻摻係正宗食法，食落都幾特別, 又掛湯。豬頸肉爽口又大件，魚餅加了檸檬葉更是香口。通菜, 菜淥得好翠綠, 還有馬拉盞另上調味，加少少更惹味可口。串燒雞、豬、牛，雞肉嫩滑，豬肉有少少脂肪，燒得香，沙嗲醬惹味，香濃花生醬味帶少甜，微辣。我想又找到一間午餐好去處了。

經開灣仔搵食, 見到有龍蝦叻沙咁招積, 就吸引左入去lu~ 因為想食魷魚, 無叫龍蝦叻沙, 反而叫左招牌海鮮叻沙。招牌海鮮叻沙 ($59) (2.5/5分) : 叻沙黎到, 當然要先試湯底,。可惜唔知係咪叻沙醬唔夠, 所以叻沙味唔出, 加上似乎椰奶不夠豐富, 所以令湯底唔夠順厚香濃。而辣度適中, 不太辣。而海鮮配料有蝦, 魷魚, 大魚蛋同魚片, 但鮮甜味不足。反而大魚蛋有驚喜, 肉身脆滑, 唔會厚實多粉, 而且體積頗大, 唔知係咪來自長洲。米線都沐沐地啦, 個人認為如果爽D會好D~整體黎講價錢唔貴, 但覺得Toast Box叻沙味道較佳~~ P.S. 店內裝潢以足球為題, 莫非叻沙同足球係有關? 最欣賞全身鏡貼有巴西球衣貼紙, 好搞笑

今日黎到灣仔試下馬來西亞菜，一間食叻沙的店。裝修十分新淨企理，坐得舒服。看看餐牌，價錢也不貴，一配叻沙大概40-50元我點了雞肉配冬菇叻沙，要了小辣。其實小辣不太辣，喜歡食辣的朋友可以選中辣或大辣。而叻沙湯味道又香又濃郁，食過翻尋味。雞肉也十分新鮮入味。朋友就點了雜菜咖哩叻沙，好大配好多餸，而且比我果配多了一點咖哩味。小食就點了通菜及新加坡流心芝麻球。呢個芝麻球極力推薦，好流心，入面似奶皇味多於芝麻味，但非常香脆及入味。

我好鐘意食叻沙, 但是在香港好難搵到一間正宗的食叻沙的舖頭, 昨天在灣仔行街, 無意之中俾我發現到一間專門食叻沙的店舖, 有叻沙食我當然唔會放過, 即刻入舖食留碗掛住好耐的叻沙.我order了一碗錦繡叻沙米粉, 材料非常豐富, 有雞肉, 雜菜, 扎肉, 燒豬頸肉及海鮮, 這碗錦繡叻沙米粉來到我面前時, 黃黃地色的濃湯底, 上面飄浮少少紅油, 聞到好香的叻沙湯的香味, 頓時胃口大開, 迫不及待的拿起筷子要食這叻沙米粉, 熱辣辣的米粉浸在叻沙湯中,飲一啖叻沙湯, 哇! 這正是我追尋已久的叻沙, 又香又濃, 食得出叻沙湯中有蝦的鮮, 沙嗲的香, 少少辣, 非常惹味! 米粉索晒叻沙湯的味道, 但又唔會淋, 湯底唔咸唔淡, 味道啱啱好, 真的是超級好味道! 就連叻沙米粉裡面的雞肉, 扎肉, 燒豬頸肉及海鮮都一樣咁好食, 樣樣材料都非常新鮮, 連雜菜浸了叻湯湯之後都是很好食咧!終於唔用再掛住新加坡的叻沙了, 在香港都有得食正宗的叻沙, 好味!

米線在香港賣到成行成市， 無論本地人或國內遊客都以米線為主食。可見其喜愛程度，而馬來喇沙雖不是主流, 但也有其吸引力。星期六晚上和好友來到灣仔   食晚飯。朋友想試其振店名菜    $108而每款喇沙可自選口味， 先選主要材料，再選辣度、最後是麵/米粉底。這店的大廚是擁有超過30年製作南洋經驗師傅烹調，根據馬來西亞喇沙口味製作，不加味精是賣點。  加入蝦膏及香料自製醬汁。 醬汁香而不辣， 夠惹味。 湯底以雞骨和魚骨淆三小時，鮮甜足味，椰奶香味突出，囗感濃厚，有溫度 。 朋友最欣賞那超大虎蝦，先將虎蝦開邊燒熟，肉質爽口彈牙，鮮甜美味。 除了喇沙外，還有小食、小炒等提供， 選擇貴精不貴多,  而比較吸引我們的是  $65         套餐包括一碗油飯、海南雞及冬瓜湯， 價錢相當合理。 整整一隻去骨海南雞肶加一片雞胸肉，份量足，但雞皮色澤欠光澤，不油潤。 而雞肉尚算香滑，蘸上三色醬提味, 頓時令雞味提升。 油飯水準一般唔夠香。通菜 $18 付上自製醬汁， 香辣惹味。 價錢不貴，平均消費不須 $100/位，只比茶餐廳貴小小， 可以一試。 

之前見有好多食評都讚依間好食，講到好特別咁所以有好大期望，可惜換嚟一個更大既失望湯底有三款除左兩款叻沙之外，仲有豬骨湯不過既然嚟得依到，都係為左個叻沙湯底，所以全部人都係嗌左叻沙先揀餸，再揀湯底，最後揀麵得兩款餸係有得送嘢飲但又唔係好想食嗰兩款餸唯有無揀嘢飲，揀返自己想食既餸啦豬頸肉拼炸魚片喇沙米粉同圖好似差少少遠個賣相頹頹地算數，試下個湯底先ummmmm.....咦，無乜味既喂本身都糾結左陣要喇沙定咖喱喇沙但試埋同事嗰個咖喱喇沙，發現係無分別，一樣味既成個湯底都唔夠濃啲配料質素都一般般豬頸肉厚切得嚟偏硬魚片都唔夠彈牙怕自己唔飽，所以揀多兩串串燒$20兩串，價錢上好吸引，但味道麻麻地個沙嗲唔夠香唔夠濃下次都係去返蝦麵店算

同事們都好鐘意食喇沙係難得一樣價錢可接受得嚟，大家都鐘意食既嘢成日搭叮叮都見到依間小叻沙都想試下，今日終於都一齊嚟食Lunchtime難免要等下位，排隊嗰陣可以睇定食咩先要揀三樣嘢先揀餸，再揀湯底，最後揀麵款得兩款(雞肉同招牌海鮮)係配埋嘢飲，其他既都要額外+$8所以都糾結左好一陣最後都係放棄左飲嘢，揀左豬頸肉同炸魚片叻沙湯底同米粉實物同圖都差得有少少遠喎不過料都唔係最失望，最失望係個湯底無乜喇沙味既喂新加坡黑色包裝嗰隻即食喇沙麵個湯底仲濃郁過佢坐就坐得算幾舒服既，有效率得嚟又幾有禮貌只係重點既喇沙真係唔好食📍超主觀+有偏見評分 (5為最多)📝📃hunger(食物🤤/🤮): 🤮📃anger(感覺🥰/🤨): 🥰🥰📋hangry(整體🤬/😟/😛/🥳/😍): 不了😟

灣仔街坊~ 第一次同女朋友嚟, 感覺良好~ 抵食~ 友善~ 成功走飲管👍價錢唔貴 ~ 味道不錯~ 服務週到, 咁樣嘅餐廳係灣仔越來越少了,日後會繼續過嚟!!!!!!!!!!!!

其實小編對​​所有含椰子，椰奶成分都真心一般，差不多討厭的階段，硬系覺得椰奶好似D嘔吐物陣味甘。但今日竟然去左呢間食，本來唔打算食叻沙，想試渠地既星洲炒米既，可惜平日要六點後至有炒粉面，所以都要食叻沙，見到渠地個期間限定波士頓龍蝦帆立貝好似好吸引甘，就一於試下啦！渠地有三種湯底，分別唔辣既豬骨湯底，叻沙湯底（用蝦糕熬）同埋咖哩叻沙湯底（咖哩Based既叻沙），辣度都分小，中，大三種，另外麵條可以選擇摻摻（即係油面，米粉各一半），米粉同埋油面，黎得食叻沙更系食摻摻啦，小編系辣係人當然食大辣啦，湯底就要咖哩叻沙，總覺得純粹叻沙會好奶甘，最怕！個波士頓龍蝦叻沙製作需時大約等20分鐘，嘩！個叻沙黎到真係冇得輸LOR！賣相極度呃LIKE！可能小編要大辣所以個湯底真心濃郁，唔似得我同事既叻沙湯底小辣比較淡，其實雖然大辣，真心唔係大辣，食得辣既人可能唔覺得渠辣。不過小編非常欣賞呢個波士頓龍蝦，雖然得半只，但D肉都好多，同埋只龍蝦係好好為，系炒過至放入碗麵度，唔係求其掉只龍蝦落去LOR！翻兜指數極高呀！ 133元食到波士頓龍蝦仲想點？溫馨提提你，如果唔想等位就12：15前去到最穩陣啦！

是日開OT日,行到去灣仔入小叻沙食個晚飯中和下D情緒睇下餐牌有咩食先一人叫一個叻沙再加個串燒雞肉叻沙.招牌海鮮叻沙再加左個ZERO可樂,另外馬來沙嗲雞肉同豬肉串馬來沙嗲雞肉同豬肉串-味道唔夠,肉質其實都可以既,汁就一般雞肉叻沙-雞肉都OK不過個湯底就好一般了招牌海鮮叻沙-料都算多,不過就好一般ZERO可樂-食辣野飲可樂係正既

本身今日打算食five guys...但係太多人...所以同男朋友遊蕩下去jor附近既哩間小叻沙（記住係「叻」唔係「咖」❗️）一入到去見到好多人下，但係內部幾明亮乾淨👍🏻我地叫了一個雜菜喇沙（要了一半面一半米粉），很特別的配搭。雖然喇沙好清淡啊，但係我地主菜叫了最豪既蟹🤩就係星洲炒辣蟹🦀️一上到黎勁大碟😂😂而且一人一個蟹鉗雖然我好怕食哩啲好麻煩既菜式，但係餐廳已經幫手「卜」好曬啲殼，基本上牙咬都可以碎，然後食到入邊既肉雖然係一隻蟹only，但係超大隻，因為我地兩個食佢花jor 超過30分鐘🥴而且蟹肉同啲醬汁好夾啊，男友狂稱讚啲蟹肉好正🤩🤩除外都叫了一個雜菜煲，因為其他太濃味所以balance返😗😗雖然食唔到five guys，但係哩間都好唔錯～讚👍🏻

最近成了海味送貨專員，今天早上去元朗拿花膠給伯娘，下午就去灣仔拿螺片給姨姨。姨姨說我四處奔波都餓吧，今天午餐她請我，那我就謝過姨姨呢。姨姨最愛這裡的馬來炒貴刁，炒貴刁香味隨著熱氣向上飄，食慾大開，誘人的貴刁光澤正在挑逗著視覺神經。貴刁配料不少，有蝦，魷魚，叉燒，臘腸，雞蛋，整體吃起來口感豐富。貴刁彈牙不軟爛，醬油味道炒得透徹，與貴刁融為一體，瞬間被姨姨秒殺。10吋半虎蝦帆立貝海鮮叻沙套餐太引人注目，完全沒有偷工減料。虎蝦夾起時蠻有重量的，而且把它微微香烤，緊實的蝦肉好不鮮甜。魷魚細細品嚐，鮮美爽彈，碩大的大魚蛋比乒乓球還要大顆富彈性，吸飽湯汁精華，好吃極了。帆立貝同樣鮮嫩飽滿，彈力十足，我不禁會心一笑。叻沙麵底是星馬傳統的參參組合，油麵配米粉，參參實在彈牙，很想問如何辦到。叻沙湯頭入口溫順帶甘甜，椰汁味濃厚，喝畢毫不膩味和口渴，不得不說這10吋半虎蝦帆立貝海鮮叻沙確實出色。馬來沙嗲小拼盤可以一次過品味雞，豬，牛串燒，蠻化算的。馬來沙嗲醬汁以粗粒花生為主調，花生味濃重突出，風味滿滿。雞肉串燒頗厚實的，肉質柔嫩，豬肉串燒口感耐嚼，越嚼越香，牛肉串燒嫩彈無比，牛味濃香，三款串燒各有風采。

今日放工同埋朋友諗住去灣仔飲酒，飲酒之前就諗住食少少野先，就見到福臨門附近有間主打喇沙既餐廳！入到去睇左menu ,選擇非常之多，不過我就比呢個原隻龍蝦喇沙吸引左我，就簡左呢個！黎到果然無令我失望，龍蝦非常大隻，麵底我就簡左油麵溝米粉，湯底係招牌叻沙湯底，內裡仲係用蝦膏蝦頭整成既！湯底有濃濃既蝦味，麵條吸哂湯汁既味道，好入味，龍蝦肉好爽口，蝦膏仲好多Tim !另外加20$ 仲可以有兩串馬來沙嗲，食落去肉質唔乾 仲好juicy !配料非常入味，再配埋佢地既沙嗲醬超正！下次lunch 又多一個好選擇。

老友生日話想食馬來西亞菜，當然帶佢去小叻沙食啦，識食一定去依到。星洲炒辣蟹：星洲炒蟹當然用上新鮮的肉蟹來炒，師父首先用滾油將蟹身用油鎖死水份，令到肉汁收係蟹肉內，肉蟹不但肉厚，而且肉味濃郁，蟹肉鮮味十足，加上星洲既香辣味，實在係一個必食的炒蟹。馬來沙嗲小拼盤：分別有豬，牛，雞。豬肉不但燒得香口，肉汁濃味，加上蜜糖的味道，實在係非常香口。牛肉切到一粒粒，不但牛肉唔會燒得太硬，而且牛肉用上牛柳，入咩嫩滑。炸泰式魚餅：用上香茅同金不喚整成的魚餅，入口不但香辣，而且魚肉彈牙，三者合一，真係有著馬來西亞的風味。總括來說，這裡菜式有著馬來風味，而且環境一流，食物又高水準，真係想食馬來西亞菜既朋友必到之選。