船長意法日餐廳 (Closed)

今日放工後同家姐去咗元朗，行咗陣街，見到有邊爐串燒放題， 就入咗去。因為係星期四去食，所以夜晚唔算多人 ，一入到去，有服務員帶我地坐底，餐廳嘅座位都幾闊落，唔會覺得迫，食物都設有熟食區、丸區、甜品同飲品區。一開始服務員會送上牛肉🐂同雞肉🐓，仲有海鮮拼盤🐟（視乎人數的份量），海鮮有鮑魚、鯇魚片、蜆同蠔等等， 我哋將海鮮有啲喺燒，有啲係烚， 海鮮方面整體都幾新鮮，反而啲蝦🦐嘅口感冇咁新鮮。甜品方面都多選擇🍨，有唔同牌子嘅雪糕🍦同雪條，最吸引就係Haagen Dazs，4隻口味（咖啡、朱古力、士多啤梨同雲呢拿），我哋隻隻都食左再加多條榴槤雪條。我地食左好多野，勁滿足咁離開，賣單連加一每人＄207。