韓家韓國料理 (Closed)

剛剛初黎觀塘報到，四圍試睇下有咩平靚正嘅外賣做午飯，今次點選左呢間韓國菜。今次叫左蔬菜煎餅配柚子蜜糖炸雞，$35仲送一杯飲品。食物嘅賣相唔差，份量都唔細，但唯一要講嘅係放喺蔬菜煎餅上面兜辣醬個底穿咗，一攞出嚟啲辣醬周圍係，呢下真係要扣分😥至於味道方面，蔬菜煎餅好厚粉，雖然都見到好似落咗紅蘿蔔同椰菜等等，但好似主要都係食緊個麵糊。至於個炸雞味道相比之下比較好，炸得都算脆身，個柚子蜜糖汁酸酸甜甜，同西檸雞個味道有啲似。雖然套餐嘅價錢係好吸引，但性價比就真係唔太高。