海圖 (Closed)

係屯門好難搵到一間cafe,所以約埋屯門友黎試海圖。我地大約14:45到, 已經有5,6個人等緊, 因為cafe只得14個座位, 所以我地都等左20分鐘。餐廳是半自助的, 先到cashier點餐及付款,食品隨後送上。我地點左2合份All Day Breakfast, 一杯凍mocha 同flat white; All Day Breakfast份量一般, 腸比較細條, 沙律沒有特別, 生果是蘋果, 上枱時有一片已經生銹, 另外出事既係炒蛋, 炒得唔均, 有D好老,有D又唔熟;朋友比我試左一啖mocha, 可能我重口味, 覺得唔夠濃, 反而杯flat white就唔錯。整體黎講, 因為差不多獨市, 所以都無得比較, 而且$58一個All Day Breakfast又真係好平。如果下次再黎會試下其他食品。