御前牛盛日式涮涮鍋 (Closed)

行開旺角，見到咁平既放題，忍唔住上去試下！ 由於時間尚早，仲未有好人，可以揀個窗口位見佢咁平，今次就豪d加埋刺身！淨係蝦已經有3款，赤蝦、甜蝦同泰式生蝦刺身，3款都唔錯，象拔蚌就好爽口，一d鯹味都冇！加$30刺身有咁既質素算係咁！到主角邊爐，叫左蕃茄龍蝦湯底，成個龍蝦殻係裡面！放菜落去完全吸哂龍蝦味材料都係d大路野，響鈴吸龍蝦味唔少得，牛柏葉尚算爽口，午餐肉就軟身左d!黎御前牛盛梗要食牛啦，美國牛肉片一d脂肪都冇，鐘意瘦既人一定岩呢個！而我呢個無肥不歡既人就鍾意加拿大牛胛肉片，有少少肥，入口軟而滑值得一提既係鹿兒島豚肉，冇雪藏豬味！去到最後，待應比左一人一個Haagen-Daz,真係好滿足！（最初以為只有自助那邊既雀巢雪糕同雪條！） 咁既價錢咁既質素