沾仔記麵食

Open Now

Now Closed

今日唔係好肚餓所以就選擇平平地嘅沾仔記, 雖然話就話平平地, 不過其實都貴過一開始食好多喇。🥢墨魚丸麵麵嘅份量偏少, 如果比較肚餓就應該會唔夠食, 不過麵嘅軟硬度適中, 係好食嘅 。墨魚丸好爽滑, 唔會覺得好粉一舊舊。🥢牛肉麵新鮮牛肉好嫩滑, 肉質軟腍, 牛肉嘅份量亦都好多, 足夠平均分配由頭食到尾。🥢雲吞麵沾仔記嘅雲吞好出名, 因為大大粒, 雲吞皮好薄, 不過煮完都唔會穿/ 散開。裡面 d 蝦好新鮮, 用幾隻蝦包埋一齊, 所以好有口感。值得一提嘅係個辣椒油, 夠辣亦好惹味。整體食物都 Ok, 如果唔太肚餓係可以一食。