風之谷蛋包飯

Open Now

Now Closed

最近見到好多人都講緊依間蛋包飯餐廳之前一直都以為呢間餐廳有堂食，原來係小食店只做外賣價錢非常之相宜，今日決定買外賣返屋企試吓先係咪落咗單之後其實好快就攞到，大約10分鐘左右黑椒牛柳絲炒烏冬 $48呢個應該係即叫即煮，返到屋企時依然仲熱辣辣，好香嘅黑椒香味，而且用上急凍烏冬，口感比較彈牙紅酒牛肋蛋包飯 $68賣相都幾精緻，其實入邊係炒飯嚟㗎，但炒飯比較濕，而且牛肋條略嫌偏硬。炸小丸子六粒 $25加蛋黃醬好合襯，好香口。鐵板燒帶子 $38帶子望落都好大粒，而且帶陣陣牛油香味。