常滿百家菜

Open Now

Now Closed

打工仔平時好少可以飲茶食點心，因為放假又想瞓晏啲！依家有家平價可以打邊爐又有點心食，一個人連加一200蚊都唔駛！仲要任飲任食！真係可以食飽飲醉先至走！值得推介椰子燉雞湯鍋底！個湯底真係好正，一開始已經飲咗兩碗，飲到要加湯先可以開始打邊爐🤣好香好濃椰子味，而雞肉好明顯都燉散開咗，火候十足！而另外仲有點心食，啱晒鍾意飲茶食點心嘅我，點心中蝦餃燒賣就必點，而且 size 真係比正常大好多，而個個飲緊啤酒汽水嘅時候我就叫咗一壺茶😆慢慢嘆！中場仲有片皮鴨食，片好晒又好厚切嘅肉大家排住隊攞！份量都好多，人人有份！