360鮮迴轉壽司 (Closed)

正在煩惱晚餐吃什麼時，撘車經過呢間鮮壽司，門口大大個牌寫住碟碟九蚊，想諗咁嘅價錢試下亦無妨，於是就落車去食一下。好好彩啱啱有人走唔使等位，睇睇餐牌都幾多款揀，而且真係好平。不過感覺麻麻，枱面用具未至於話垃塌，但唔叫得上乾淨囉。先來一碟三文魚壽司，色水唔靚，唔太新鮮但還可以，唔難食，且飯重醋味我like。面豉湯，order左好耐都唔黎，一黎到竟然係凍嘅，好失望。唔知點解係甜嘅，有啲懷疑係咪糖鹽調轉左？失敗作。八爪魚壽司，賣相唔好沒吃。螺片，魷魚壽司，鮮甜有口感，唔錯。炸蠔卷，凍左過左氣，不好吃。一系列嘅軍艦，又係等左超耐，耐到老闆自動幫我地追壽司師仔。無乜特別印象，不難吃也不稱得上叫好吃，紫菜沒有剪短，轉了一圈後多出來的紫菜就係咁飛下飛下。整體上是ok的，這個價錢我收貨了，但還有進步嘅空間，如自助的斟水位滾水唔夠熱，酸薑只有酸味同糖精味，用具可再清潔點啦。