必勝客

Open Now

Now Closed

係深水埗放lunch就去左西九龍中心睇下有咩好食，見到好多餐廳都要排隊，冇咩選擇下就入左pizza hut。見到意粉大概50蚊同埋pizza大概60蚊都覺得幾抵，仲包埋湯/沙律同飲品。唔係太餓所以揀左迷你沙律，一黎到真係俾佢嚇一跳，唔係平時嗰啲沙律醬，而係士多啤梨醬。味道有少少怪，同啲菜好唔夾。好後悔冇揀到餐湯。主菜揀左香蒜肉絲意粉，肉絲係類似漢堡扒既味道，蒜味唔係好重，仲有啲紅蘿蔔、青豆同菇。整體味道普通，加啲芝士粉會好味啲。飲品叫左杯熱檸水。個餐都飽既但味道真係麻麻，價錢係pizza hut黎講算平，可能叫翻pizza會好啲。