616牛肉火鍋專門店 (Closed)

公司搬左係黃埔，見到616新出左午市套餐，仲要第二個餐半價就同同事相約去食牛四寶湯飯 $48一窩咁上枱，入面有牛筋，牛腩，牛𦟌和牛仔骨，仲有配菜紅蘿蔔和西芹，飲左啖湯好清甜，有少少藥材味，一d油膩感都無，好濃牛味，四牛都炆得好淋身，配飯一流，我最中意牛𦟌，夠火喉得黎又唔會好韌616經典漢堡包 $48漢堡包都好大個，女仔一啖係食唔哂，入面有煎蛋，芝士，牛肉，蕃茄，生菜，牛肉好濃味，煎得好香口，啖啖肉，隔離仲配左炸薯條，分量都好多，呢隻粗薯條係我最愛，加上茄汁一流！跟餐可以加$9配時菜一碟，我地叫左生菜和娃娃菜，好抵食！