BBQ Grilled and Baked

Open Now

Now Closed

今日本身想去食同事介紹話好食既西餐，平時飯點經過好多人等，今日同事早左去等位，但係餐廳話要分開坐，我哋話再等下想一齊坐餐廳話有排等😒甘算囉，最後係附近求其搵左間餐廳，間餐廳第一次去，環境唔錯價錢又親民.午餐選擇幾多款式，有A至H餐，樣樣睇起上黎都好似唔錯，本身想叫燒雞，但係望望下見至牛扒又想食，經過漫長既思考我終於揀定左我食邊個餐😂.至尊靚扒-即煎美國安格斯肉眼扒(7oz) $58午餐配埋忌廉湯同蒜蓉包而且仲會包埋餐飲。忌廉湯無乜味，蒜蓉包比較薄味道正常，扒餐配黑椒燒牛肉汁，可以揀跟薯皇/白飯或意粉，牛扒大塊多肉唔會好韌，整體質素一般，不過呢個價錢都算抵食，唔好咁高要求😂