出羽櫻鐵板料理

Open Now

Now Closed

今晚同朋友來呢間出羽櫻鐵板燒食晚飯。呢間野唔太大間，係家庭式經營嘅餐廳。呢度最平嘅鐵板燒套餐$50，包埋一碗面豉湯同飯。我地分別叫左金菇肥牛卷、牛肉薄燒同豬頸肉。每份鐵板燒都會連埋芽菜同椰菜炒，豬頸肉仲會配埋洋蔥。因為全部都係落單之後即炒，所以拎上碟係熱辣辣兼且好香。全部三碟都真係炒得好好食，個燒汁都都調得好好。果兩個牛肉稍為炒得耐左d所以食落覺得d肉有少少粗糙，不過都無咩點影響個味道！而豬頸肉炒就得剛剛好，食落幾爽口而且好嫩滑！$50左右嘅鐵板燒有咁嘅質素真係好抵！