鐵牛台灣牛肉麵 (旺角中心第一座) (Closed)

係新之城行完街本來諗住係商場地庫簡簡單單食個快餐飯。去到先知原先部份餐廳已經轉左，新開左間鐵牛台式食店，新野當然要試下。7點鐘繁忙時間，外面多人等位，好彩我地兩人可即時安排入坐，毋須等候。食客係order紙上揀好食物，再係出面付款，店員就會將食物送到座位上。餐單上都有好多選擇，小食又多，價錢都好合理。鹽酥小拼盤同肉燥小茄子都好惹味。鹽酥拼盤炸都夠乾身唔油膩，皮夠薄，鹽味適中。小茄子就夠淋，入味，食完之後更加開胃。招牌牛肉麵好食，麵質彈牙，湯底都好濃。最重要係個牛肉肉質好淋，夠入味。