伊甸 (Closed)

聽聞呢間抵食就嚟試吓！平日夜晚，大約七成客滿，揀咗張超矮檯坐，雖然特別但雙腿不知該如何處置。叫咗兩個Eden雙餸套餐，正常叫$89有埋嘢飲同甜品係抵嘅。先嚟新肉碎飯加鹽酥雞扒同台灣腸，肉碎偏油同埋重味，建議連飯食。另外辣肉碎加香煎雞扒同雞軟骨餃子，雞扒同餃子係中規中矩。另外叫咗個雙併蛋餅，鮪魚粟米蛋餅，餡料都算豐富，蛋餅都幾好，個醬汁反而最好味。配埋胡麻沙律，有埋花生粒幾特別飲品叫咗波霸奶茶、綠茶同柚子茶，味道就係同街買嘅一樣味。食台灣嘢一定要有芋圓，佢份量唔多，又不太甜，有埋仙草同埋紅豆，食埋呢個就滿足。埋單$300都唔使，又飲又飯又甜品，都真係算抵食