魚尚 (太和廣場西翼)

Open Now

Now Closed

之前喺大埔墟火車站經過，見到呢間買壽司嘅，就會諗會唔會同爭鮮差唔多質素呢？今日，家人生日，佢哋買咗一大堆返屋企一齊食，終於有機會試吓啦！一盒盒包得好乾淨，感覺唔似平價嘅壽司喎！我就住平時都好少食魚生，因為怕食生冷野，不過我都膽粗粗，試吓啲三文魚啦！點知，又唔差喎！啲魚生都算係好新鮮，最有驚喜嘅係花之戀，同埋帆立貝，肉質都幾厚。另外我覺得會再食嘅，就係鰻魚壽司，因為首先係要冇骨嘅，同埋嗰啲蒲燒醬汁都幾濃郁，值得一試喎！