慢煮工業 (Closed)

「慢煮」呢排就聽得多，食就一路都未有機會，所以知道太子新開左間以「慢煮」做招牌既餐廳之後就即刻約朋友book位！餐廳裝修充滿復古風格，用上霓虹燈裝飾，加上燈光昏暗，情調不錯。菲力牛扒 ($98) 加芝士蝦($48)慢煮製成既牛扒肉質果然比一般嫩滑，外層煎得甘香而肉質夠淋帶肉汁。不過牛味唔太濃。而且加配既芝士汁如果重口味一點的話，味道會更可口。波士頓龍蝦(半) ($78)龍蝦可以叫半隻，份量適中可以留返個胃食其他菜式。肉質算爽口，蓋上厚厚芝士更加滋味。芝士菠菜焗蠔(3隻) ($58)蠔身唔算大隻，烹調後有點縮水。但勝在菠菜搭芝士熱辣辣夠香口，混合蠔水味，帶些微鮮甜。炸粗薯條 ($18)份量超多，真係有成個桶咁滿，薯條夠厚身而且夠咸，飽肚之選。幾個朋友share都夠食！兄弟至尊士多啤梨手工啤 ($38)酒味輕而士多啤梨味適中可口，以酒類黎計，價錢非常親民。抹茶雪糕 ($18)雪糕夠滑而且唔易溶，不過抹茶味輕奶味較重，作為晚餐既終結也算不過不失了。總括黎講，呢度平民價錢可以嘆到慢煮菜式，食物材料同價錢成正比。不過見平日都好多人，要book定位先食到喇。