燧記廚房 (巧運工業大廈)

Open Now

Now Closed

收工唔想煮，平平地買個外賣返去食就算。見過同事叫呢間外賣，諗住試下。上到去，果然好多外送員拎外賣。落完order等緊時，聽到廚房炒野聲，聽落感覺唔錯。叫左醬爆雞丁同黑椒炒牛柳，套裝包白飯同野飲，埋單都係100蚊左右。醬爆雞丁 $54顏色幾吸引，醬汁甜甜地，好送飯，如果辣辣地仲惹味，可惜屋企人唔食辣。雞粒size唔會碎濕濕。黑椒炒牛柳$60呢個惹味啲，黑椒汁微辣，同樣帶甜，夾埋料頭，青椒、洋蔥個d，送飯好正啊！牛肉份量比想像中多，都唔係用粉拿到淋曬個種。白飯正常，跟埋野飲，輕鬆解決一餐。可能我叫嘅野都多汁，無咁試到鑊氣，下次想試下其他，蒸蛋都聽到有唔少人叫。