Video
Read full review
2019-04-14
36 views
平時入開元朗都係掃街為主 今日朋友話去食其他嘢食 唔想下下都食掃街咁就Openrice搵吓有啲咩食啦 朋友見到蒸氣火鍋就話要食 因為有時打邊爐打到悶悶地試吓新嘢吖嘛 但冇諗過元朗都有蒸氣火鍋 就一於試吓啦門口見到佢啲牌寫住$268 仲要係任食 雙眼發光🤩正呀可以食到飽 佢一棟有幾層 每層都有唔同嘅嘢食 一樓就係主要係茶市 2樓就係蒸氣火鍋同埋打邊爐嘅 就咁睇佢哋都幾多熟客入嚟食嘢 因為我見到啲熟客同啲員工好好傾🙈🙈我諗佢都係主要係做街坊生意為主🙈坐低左之後 員工就問我地想要咩粥底同埋叫我地揀咗啲海鮮咁我哋就揀咗個淮山雞粥底 同埋4款自選海鮮 分別有：大元貝、象拔蚌仔、聖子王、鮑魚咁個員工就係我哋面前倒啲生米同埋雞淮山等材料落去做個粥底 感覺上幾好 因為佢係新鮮倒落去整嘅 平時出面食到嗰啲蒸氣火鍋係好大分別因為人哋嗰啲係預先整好嘅 呢個係值得一讚嘅👍🏻👍🏻👍🏻隔離呢有個雪櫃入面就放咗啲嘢食同埋有汽水啤酒嗰啲咁就可以任食任拎 另一邊就有醬料區 同埋仲有自助吧放左啲魚皮響鈴嘅 雪櫃方面多數都係放左啲菜或者菇類為主 仲有午餐肉腸仔餃子員工好貼心 主動過嚟幫我地逐樣野食拎落去蒸 好sweet呀🥰
咁就Openrice搵吓有啲咩食啦 朋友見到蒸氣火鍋就話要食 因為有時打邊爐打到悶悶地試吓新嘢吖嘛 但冇諗過元朗都有蒸氣火鍋 就一於試吓啦
門口見到佢啲牌寫住$268 仲要係任食 雙眼發光🤩正呀可以食到飽
佢一棟有幾層 每層都有唔同嘅嘢食 一樓就係主要係茶市 2樓就係蒸氣火鍋同埋打邊爐嘅 就咁睇佢哋都幾多熟客入嚟食嘢 因為我見到啲熟客同啲員工好好傾🙈🙈我諗佢都係主要係做街坊生意為主🙈
坐低左之後 員工就問我地想要咩粥底同埋叫我地揀咗啲海鮮咁我哋就揀咗個淮山雞粥底 同埋4款自選海鮮 分別有：大元貝、象拔蚌仔、聖子王、鮑魚
咁個員工就係我哋面前倒啲生米同埋雞淮山等材料落去做個粥底 感覺上幾好 因為佢係新鮮倒落去整嘅 平時出面食到嗰啲蒸氣火鍋係好大分別因為人哋嗰啲係預先整好嘅 呢個係值得一讚嘅👍🏻👍🏻👍🏻
隔離呢有個雪櫃入面就放咗啲嘢食同埋有汽水啤酒嗰啲咁就可以任食任拎 另一邊就有醬料區 同埋仲有自助吧放左啲魚皮響鈴嘅 雪櫃方面多數都係放左啲菜或者菇類為主 仲有午餐肉腸仔餃子
員工好貼心 主動過嚟幫我地逐樣野食拎落去蒸 好sweet呀🥰仲有呀 員工話有新鮮嘅炸魚皮啱啱炸出嚟 咁就拎左啲黎食 估唔到落去仲有少少熱 好新鮮👍🏻
自選海鮮嗰到見到佢每樣海鮮都話佢有蒜蓉 粉絲啦同埋少少蔥花鋪喺度 鮑魚嗰度就有蟲草花 清蒸嘅話簡直係一流👍🏻
嗰四款海鮮蒸完出嚟 食落去十分鮮甜爽口 肉質方面幾彈牙 每樣野都蒸嘅時間啱啱好 唔會蒸到好老😋😋😋任食嗰度我哋就食咗勁多野 每次落班我哋都會翻兜某幾樣食物包括有佢哋嗰啲蟲草花蒸雞 順德污糟雞 同埋自家手打丸類
蟲草花蒸雞 大推👍🏻雞肉好入味而且夠滑身 佢都幾進補🙈因為佢有啲杞子紅棗同埋蟲草花喺度 呢幾樣野夾埋落啲雞到 好夾 感覺上好養顏咁🙈🙈自家手打丸（蝦丸 墨魚丸 豬肉丸 鯪魚丸）都好正👍🏻 佢係手打出嚟嘅比較上係彈牙 唔會成口粉 水準不錯
另外我哋見到點菜只一面有啲點心 平時食蒸氣火鍋係極少見到有點心 我哋就叫咗兩樣點心 分別係馬拉糕同埋雜糧糕 係即叫即蒸 咁就可以確保到啲點心係熱辣辣 👍🏻👍🏻
最後終於嚟到我哋嘅重點啦 期待已久嘅粥底😍我相信佢係吸晒所有食物的精華的粥底 一打開見到粥呈金黃色 軟綿綿嘅粥 食落去勁鮮甜 好正 即是8/9成飽都要照食呢碗粥 因為佢係集中於所有的精華所在地🤤🤤🤤
Post
